اسلام آباد۔7 جولائی (اے پی پی) وفاقی وزیر قومی غذائی تحفظ و تحقیق رانا تنویر حسین رباط اچ مراکش دے وزیرِ زراعت، ماہی گیری، دیہی ترقی تے جنگلات احمد البواری نال ملاقات کیتی جیں اچ زرعی شعبے اچ ݙوپاسے تعاون کوں مزید ودھاوݨ مختلف پہلواں تے ڳالھ کیتی ۔ وزارت دے جاری بیان موجب ملاقات اچ ݙوہیں وزراء زراعت تے غذائی تحفظ دے شعبیں اچ جاری ݙوپاسے تعاون دا جائزہ …
وفاقی وزیر رانا تنویر حسین دی مراکش دے وزیرِ زراعت احمد البواری نال ملاقات
مزید خبراں
اسلام آباد۔7 جولائی (اے پی پی) وفاقی وزیر قومی غذائی تحفظ و تحقیق رانا تنویر حسین رباط اچ مراکش دے وزیرِ زراعت، ماہی گیری، دیہی ترقی تے جنگلات احمد البواری نال ملاقات کیتی جیں اچ زرعی شعبے اچ ݙوپاسے تعاون کوں مزید ودھاوݨ مختلف پہلواں تے ڳالھ کیتی ۔ وزارت دے جاری بیان موجب ملاقات اچ ݙوہیں وزراء زراعت تے غذائی تحفظ دے شعبیں اچ جاری ݙوپاسے تعاون دا جائزہ ڳھدا تے زرعی تجارت، لائیو سٹاک دی ترقی، استعداد کار اچ ودھارے تے تکنیکی مہارت و تجربیں دے تبادلے سودھے مختلف شعبیں اچ تعاون مزید ودھاوݨ تے ڳالھ کیتی۔ݙوہیں فریقاں آپت دے دلچسپی دے شعبیں اچ تعاون کوں مزید مستحکم بݨاوݨ دے آپݨے مشترکہ عزم دا اعادہ کیتا تے ایں ڳالھ تے اتفاق کیتا جو پاکستان تے مراکش دے وچال زرعی شراکت داری کوں مزید ودھاوݨ کیتے نیڑے رابطہ برقرار رکھیا ویسی۔ ملاقات دے دوران وفاقی وزیر رانا تنویر حسین احمد البواری کوں پاکستان دے سرکاری دورے دی دعوت ݙتی۔ ایں دعوت دا خیرمقدم کیتا ڳیا جڈانجو ݙوہیں وزراء ایں اعتماد دا اظہار کیتا جو اعلیٰ سطح دے آپت دے تبادلیں توں ݙوہیں ملکاں دے تعلقات مزید تکڑے تھیسن تے زرعی شعبے اچ آپت دے مفاد تے مبنی تعاون کوں نویں جہت ملسی۔
