وزیرِ اعظم دا چین دے مختلف علاقیاں اچ تباہ کن طوفان، شدید بارشاں تے مٹی دے تودے ݙہݨ نال تھیوݨ آلے جانی تے مالی نقصان تے ݙکھ تے افسوس

اسلام آباد۔8 جولائی (اے پی پی) وزیرِ اعظم محمد شہباز شریف چین دے مختلف علاقیاں اچ تباہ کن طوفان، شدید بارشاں تے مٹی دے تودے ݙہݨ نال تھیوݨ آلے جانی تے مالی نقصان تے ݙکھ تے افسوس کیتے۔ بدھ کوں سماجی رابطے دی ویب سائٹ ’’ایکس‘‘ تے ہک بیان اچ وزیرِ اعظم آکھیا جو چین دے گوانگ شی ژوانگ خودمختار علاقے تے ہوبے تے گانسو صوبیاں اچ حالیہ تباہ کن طوفان، بگولیاں، مٹی دے تودے ݙہݨ تے شدید بارشاں توں تھیوݨ آلے قیمتی جانی و مالی نقصان تے ݙکھ تے افسوس دا اظہار کریندن۔ انھاں پاکستان دے عوام تے آپݨی طرفوں صدر شی جن پنگ، چین دی حکومت، عوام تے بالخصوص سوگوار خانداناں نال دلی تعزیت تے ہمدردی دا اظہار کیتا۔ وزیرِ اعظم آکھیا جو ایں مشکل گھڑی اچ اساں آپݨے چینی بھیݨ بھراواں نال مکمل یکجہتی دا اظہار کریندوں اتے زخمیاں دی جلد صحت یابی تے امدادی تے ریسکیو کارروائیاں دی کامیابی کیتے دعاگو ہن۔