عبدالستار ایدھی سویں انسان دوست تے خدمتِ خلق دی داعی شخصیت بلا شبہ قوم کیتے باعثِ فخر تے قومی اثاثہ اے، وزیرِ اعظم

اسلام آباد۔8 جولائی (اے پی پی) وزیرِ اعظم محمد شہباز شریف عبدالستار ایدھی کوں خراجِ عقیدت پیش کریندیں ہوئیں آکھیا جو او نوجوان نسل کیتے قابلِ تقلید ہن جنھاں ثابت کیتا جو ہر شخص آپݨے تئیں معاشرتی اصلاح اچ تعمیری کردار ادا کر سڳدے، عبدالستار ایدھی سویں انسان دوست تے خدمتِ خلق دی داعی شخصیت بلا شبہ قوم کیتے باعثِ فخر تے قومی اثاثہ اے۔ پی ایم آفس دے میڈیا ونگ دے مطابق معروف فلاحی تے سماجی شخصیت عبدالستار ایدھی دی ݙاہویں برسی جیہڑی اڄ بدھ کوں منائی ویندی پئی اے، دے موقعے تے آپݨے سنیھے اچ وزیرِ اعظم عبدالستار ایدھی دی گراں قدر قومی و فلاحی خدمات تے انھاں کوں خراجِ عقیدت پیش کریندیں ہوئیں آکھیا جو رفاہِ عامہ دے پرخلوص جذبے نال سرشار عبدالستار ایدھی مسائل دے حل دے سماجی پہلواں کوں اجاگر کیتا، انھاں دی بیش قدر خدمات پاکستان دی سماجی تاریخ دا غیر معمولی حصہ ہن۔ وزیرِ اعظم آکھیا جو عبدالستار ایدھی سویں شخصیات نوجوان نسل کیتے قابلِ تقلید ہن انھاں ثابت کیتا جو ہر شخص آپݨے تئیں معاشرتی اصلاح اچ تعمیری کردار ادا کر سڳدے۔ انھاں آکھیا جو عبدالستار ایدھی دی عوامی خدمات معاشرے اچ احساس، رواداری، باہمی آہنگی جیہڑیاں مثبت اقدار دے فروغ اچ نمایاں حیثیت رکھیندن۔ وزیرِ اعظم عبدالستار ایدھی دے درجات دی بلندی کیتے دعا کریندیں ہوئیں آکھیا جو انھاں دی سماجی خدمات کوں ہمیشہ یاد رکھیا ویسی۔