اسلام آباد۔8 جولائی (اے پی پی) وفاقی وزیرِ ریلوے محمد حنیف عباسی پاکستان ریلوے اچ پروکیورمنٹ امور متعلق ہک اجلاس دی صدارت کریندیں سارے مقامی تے بین الاقوامی خریداری دے عمل کوں پیپرا قوانین موجب مکمل شفافیت، میرٹ تے مقررہ مدت دے اندر مکمل کرݨ دی ہدایت کیتی اے۔ اجلاس دے دوران ڈائریکٹر پروکیورمنٹ تے چیف کنٹرولر آف پرچیز وفاقی وزیر کوں پاکستان ریلوے دے مقامی تے بین الاقوامی پروکیورمنٹ …
وفاقی وزیر محمد حنیف عباسی دی زیرِ صدارت پاکستان ریلوے اچ پروکیورمنٹ امورمتعلق اجلاس
مزید خبراں
اسلام آباد۔8 جولائی (اے پی پی) وفاقی وزیرِ ریلوے محمد حنیف عباسی پاکستان ریلوے اچ پروکیورمنٹ امور متعلق ہک اجلاس دی صدارت کریندیں سارے مقامی تے بین الاقوامی خریداری دے عمل کوں پیپرا قوانین موجب مکمل شفافیت، میرٹ تے مقررہ مدت دے اندر مکمل کرݨ دی ہدایت کیتی اے۔ اجلاس دے دوران ڈائریکٹر پروکیورمنٹ تے چیف کنٹرولر آف پرچیز وفاقی وزیر کوں پاکستان ریلوے دے مقامی تے بین الاقوامی پروکیورمنٹ متعلق امور تے بریفنگ ݙتی۔ وزیرِریلوے پروکیورمنٹ دے سارے مرحلے تے جاری منصوبیں دا جامع جائزہ ڳھدا۔ اجلاس اچ مختلف منصوبیں تے ٹینڈرز اچ تاخیر دیاں وجوہات تے متعلقہ افسران توں وضاحت طلب کیتی ڳئی جڈانجو وفاقی وزیر ہدایت کیتی جو غیر ضروری تاخیر کہیں صورت برداشت نہ کیتی ویسی۔انھاں پروکیورمنٹ دے عمل کوں مزید مؤثر، تکھی رفتار تے منظم بݨاوݨ کیتے وقتی اقدامات کرݨ دی ہدایت کریندیں متعلقہ افسران کوں مقررہ مدت دے اندر سارے زیر التوا ٹینڈرز تے پروکیورمنٹ متعلق معاملات نبیڑݨ دا حکم ݙتا۔ وفاقی وزیرِ ریلوے آکھیا جو قومی منصوبیں اچ غیر ضروری تاخیر نال نہ صرف ادارے دی کارکردگی متاثر تھیندی اے بلکہ عوامی مفاد کوں وی ضیان پڄدے انھاں واضح کیتا جو پاکستان ریلوے اچ شفافیت، احتساب، وقتی فیصلیں تے مؤثر عملدرآمد تے کوئی سمجھوتہ نہ کیتا ویسی
