وقتی کارروائی نال بھارتی سپانسرڈ دہشت گرداں دے ناپاک عزائم ناکام بݨائے ڳئن، شہداء دیاں قربانیاں دے ہمیشہ مقروض رہسوں، وزیرِ داخلہ محسن نقوی

اسلام آباد۔8 جولائی(اے پی پی) وفاقی وزیرِداخلہ محسن نقوی بلوچستان اچ سکیورٹی فورسز گزریل 3 ݙینھاں دے دوران کامیاب آپریشنز اچ ’’فتنہ الہندوستان‘‘ دے 54 دہشت گرداں کوں جہنم واصل کرݨ تے فورسز دی کارکردگی تے بہادری دی زبردست الفاظ تعریف کیتی اے ۔آپݨے بیان اچ انھاں فورسز دیاں پیشہ ورانہ صلاحیتاں دی تعریف کریندیں آکھیا جو سکیورٹی فورسز دے بہادر سپوتاں وقتی تے مؤثر کارروائی کرتے بھارتی سپانسرڈ دہشت گرداں دے ناپاک عزائم کوں مٹی اچ ملا ݙتا۔ وزیرِ داخلہ محسن نقوی اِنھاں آپریشنز دے دوران وطن دی خاطر جامِ شہادت نوش کرݨ آلے 42 جواناں تے شہریاں کوں خراجِ عقیدت پیش کیتا۔انھاں آکھیا جو وطنِ عزیز دے اِنھاں بہادر سپوتاں آپݨیاں جاناں دا نذرانہ ݙے تے ملک دا دفاع کیتا، شہداء پوری قوم دا ماݨ ہن تے قوم انھاں دیاں عظیم قربانیاں دی ہمیشہ مقروض رہسی۔ محسن نقوی آکھیا جو شہداء دی اے بے مثال قربانیاں دہشت گردی دی لعنت دے خلاف پوری پاکستانی قوم دے پختہ تے غیر متزلزل عزم دا واضح اظہار ہن۔ انھاں وطن تے جان نچھاور کرݨ آلے شہداء دے درجات دی بلندی کیتے دعا کریندیں آکھیا جو او شہداء تے انھاں دے عظیم خانداناں دے حوصلے کوں سلام پیش کریندن جنھاں پاروں اڄ ملک دا امن قائم اے