پاک بحریہ تے پی ایم ایس اے دا سمندر اچ 12 گھنٹے توں ودھ آپریشن جاری، نجی کمپنی دے لاپتہ کارگو طیارے دا ملبہ ڳول گھدا

اسلام آباد۔8 جولائی (اے پی پی) پاک بحریہ تے پی ایم ایس اے سمندر اچ 12 گھنٹے توں ودھ جاری رہݨ آلے آپریشن دے دوران نجی کمپنی دے لاپتہ کارگو طیارے دا ملبہ ڳول گھدا۔ ترجمان پاکستان ائیر پورٹس اتھارٹی توں جاری بیان موجب طیارے دا ملبہ اوڑمارہ دے ساحل توں 53 نوٹیکل مائل جنوب اچ ملیا۔ مزید شواہد تے عملے دے ارکان دی ڳول کیتے سمندر اچ ریسکیو کارروائیاں جاری ہن۔ پاک بحریہ تے پی ایم ایس اے دے بحری تے فضائی اثاثے سرچ آپریشن اچ مصروف ہن۔