وزیرِاعظم شہباز شریف دا مالی سال 2025-26ء اچ 2024-25ء توں زیادہ ترسیلاتِ زر بھیڄݨ تے سمندر پار مقیم پاکستانیاں دا شکریہ

اسلام آباد۔9 جولائی (اے پی پی) وزیرِ اعظم محمد شہباز شریف مالی سال 2025-26ء اچ 2024-25ء توں زیادہ ترسیلاتِ زر بھیڄݨ تے سمندر پار مقیم پاکستانیاں دا شکریہ ادا کریندیں ہوئیں آکھیا جو ترسیلاتِ زر اچ 8.6 فیصد اضافہ سمندر پار مقیم پاکستانیاں دا حکومتی پالیسیاں تے اعتماد دا مظہر اے۔ خمیس کوں وزیرِاعظم آفس دے میڈیا ونگ توں جاری بیان دے مطابق وزیرِاعظم مالی سال 2025-26ء اچ مالی سال 2024-25ء دے مقابلے اچ زیادہ ترسیلاتِ زر بھیڄݨ تے سمندر پار مقیم پاکستانیاں توں اظہارِ تشکر کیتے۔ وزیرِاعظم آکھیا جو مالی سال 2025-26ء اچ محبِ وطن سمندر پار مقیم پاکستانیاں 41.6 ارب ڈالر دی ترسیلاتِ زر بھیڄیاں جنھاں تے انھاں دے مشکور ہن، ترسیلاتِ زر اچ 8.6 فیصد اضافہ سمندر پار مقیم پاکستانیاں دا حکومتی پالیسیاں تے اعتماد کوں نشابر کریندے، سمندر پار مقیم پاکستانی اساݙا قیمتی سرمایہ ہن، میں سودھے پوری قوم کوں انھاں تے فخر اے۔ وزیرِ اعظم آکھیا جو سمندر پار پاکستانیاں دی بہبود کیتے اقدامات حکومت دی اولین ترجیحات اچ شامل ہن۔