اسلام آباد۔9 جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار نال خمیس کوں کروشیا دے وزیر برائے خارجہ و یورپی امور ڈاکٹر گورڈن گرلیچ ریڈمین تے کروشین وفد اتھاں ملاقات کیتی۔ دفترِ خارجہ دے مطابق ایں موقعے تے ݙوہیں فریقاں تجارت، سرمایہ کاری، زراعت، افرادی قوت دی منتقلی، ویزا سہولت، تعلیم، دفاع، موسمیاتی تبدیلی، سیاحت، انفراسٹرکچر تے انفارمیشن ٹیکنالوجی دے شعبیاں اچ تعلقات کوں مزید …
نائب وزیرِاعظم محمد اسحاق ڈار نال کروشیا دے وفد دی ملاقات، کئی شعبیاں اچ تعلقات کوں مزید مضبوط بݨاوݨ دے طریقیاں تے ڳالھ مہاڑ
مزید خبراں
اسلام آباد۔9 جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار نال خمیس کوں کروشیا دے وزیر برائے خارجہ و یورپی امور ڈاکٹر گورڈن گرلیچ ریڈمین تے کروشین وفد اتھاں ملاقات کیتی۔ دفترِ خارجہ دے مطابق ایں موقعے تے ݙوہیں فریقاں تجارت، سرمایہ کاری، زراعت، افرادی قوت دی منتقلی، ویزا سہولت، تعلیم، دفاع، موسمیاتی تبدیلی، سیاحت، انفراسٹرکچر تے انفارمیشن ٹیکنالوجی دے شعبیاں اچ تعلقات کوں مزید مضبوط بݨاوݨ دے طریقیاں تے ڳالھ مہاڑ کیتی۔ انھاں پاکستان تے یورپی یونین دے تعاون دے مختلف پہلوواں دے علاوہ علاقائی تے عالمی اہمیت دے امور تے وی ڳالھ کیتی۔ دیرپا ترقی، علاقائی استحکام تے عالمی اقتصادی انضمام اچ رابطہ (کنیکٹیوٹی) دی اہمیت کوں تسلیم کریندیں ہوئیں فریقین پاکستان تے کروشیا دیاں بندرگاہیں وچال تعاون دے امکانات تے مواقع تے وی ڳالھ مہاڑ کیتی۔ ݙوہیں ملکاں ایں سال یا 2027ء دے اوائل اچ ݙوپاسہ سیاسی مشاورت دے انعقاد تے اتفاق کیتا۔ اے دورہ ݙوہیں ملکاں وچال تعلقات کوں ٻیا مستحکم کرݨ آلے پاسے اہم قدم اے۔ ایں توں پہلے نائب وزیرِاعظم تے وزیرِ خارجہ سینیٹر محمد اسحاق ڈار کروشیا دے وزیر برائے خارجہ تے یورپی امور ڈاکٹر گورڈن گرلیچ ریڈمین تے کروشین وفد دا وزارتِ خارجہ آوݨ تے استقبال کیتا۔
