اسلام آباد۔10 جولائی (اے پی پی) وفاقی وزیرِ داخلہ محسن نقوی نال انھاں دے بنگلہ دیشی ہم منصب صلاح الدین احمد ملاقات کیتی۔ ملاقات اچ ݙوپاسہ تعلقات، مشرقِ وسطیٰ دی موجودہ صورتحال تے آپسی دلچسپی دے معاملیاں تے تفصیلی ڳالھ مہاڑ کیتی ڳئی۔ وزارتِ داخلہ توں جمعے کوں جاری بیان دے مطابق ملاقات دے دوران ݙوہیں وزرائے داخلہ مشترکہ مفادات دے شعبیاں اچ تعاون کوں ٻیا ودھاوݨ تے اتفاق کیتا۔ …
پاک بنگلہ دیش وزرائے داخلہ دی ملاقات، سائبر کرائمز دے خاتمے، پولیس ٹریننگ اچ تعاون ودھاوݨ تے اتفاق
مزید خبراں
اسلام آباد۔10 جولائی (اے پی پی) وفاقی وزیرِ داخلہ محسن نقوی نال انھاں دے بنگلہ دیشی ہم منصب صلاح الدین احمد ملاقات کیتی۔ ملاقات اچ ݙوپاسہ تعلقات، مشرقِ وسطیٰ دی موجودہ صورتحال تے آپسی دلچسپی دے معاملیاں تے تفصیلی ڳالھ مہاڑ کیتی ڳئی۔ وزارتِ داخلہ توں جمعے کوں جاری بیان دے مطابق ملاقات دے دوران ݙوہیں وزرائے داخلہ مشترکہ مفادات دے شعبیاں اچ تعاون کوں ٻیا ودھاوݨ تے اتفاق کیتا۔ ایں موقعے تے پولیس افسران دی جدید خطوط تے ٹریننگ تے ایکسچینج پروگرامز شروع کرݨ دے حوالے نال وی اہم ڳالھ تھئی۔ ݙوہیں ممالک دورِ حاضر دے وݙے چیلنجز، خصوصاً سائبر کرائمز تے آن لائن فراڈ دی روک تھام کیتے مشترکہ حکمتِ عملی اپناوݨ تے اشتراکِ کار ودھاوݨ دا فیصلہ کیتا۔ ملاقات اچ ایران امریکہ تنازعے تے مشرقِ وسطیٰ دی مجموعی سکیورٹی صورتحال تے وی تفصیلی ڳالھ مہاڑ تھئی۔ بنگلہ دیشی وزیرِ داخلہ خطے اچ قیامِ امن کیتے پاکستان دے تعمیری تے مثبت کردار کوں زبردست الفاظ اچ سراہیا۔ وفاقی وزیرِ داخلہ محسن نقوی آکھیا جو وزیرِاعظم تے فیلڈ مارشل خطے اچ امن کیتے ناقابلِ فراموش کردار ادا کیتے، اساکوں آپسی روابط کوں مزید مستحکم کرݨ کیتے سامھے آوݨ آلے نویں مواقع توں بھرپور فائدہ چاوݨا چاہیدے۔
