گلگت بلتستان دی تعمیر تے ترقی حکومت دی ترجیحات اچ شامل، بنیادی ڈھانچے، مواصلات، توانائی، تعلیم، صحت، سیاحت تے روزگار دے مواقع ودھاوݨ تے توجہ ݙتی ویندی پئی اے، وزیرِاعظم محمد شہباز شریف

اسلام آباد۔10 جولائی (اے پی پی) وزیرِاعظم محمد شہباز شریف آکھیا جو گلگت بلتستان دی تعمیر تے ترقی وفاقی حکومت دی اولین ترجیحات اچ شامل اے، علاقے اچ بنیادی ڈھانچے، مواصلات، توانائی، تعلیم، صحت، سیاحت تے روزگار دے مواقع ودھاوݨ تے خصوصی توجہ ݙتی ویندی پئی اے، اتھوں دے قدرتی وسائل، سیاحتی مقامات تے معدنی ذخائر کوں بروئے کار گھن تے مقامی معیشت کوں ٻیا مضبوط بݨایا ویسیی، گلگت بلتستان کوں ترقی، خوشحالی تے پائیدار استحکام دی نویں منزلوں تائیں پڄیسوں۔ جمعے کوں پی ایم آفس دے میڈیا ونگ توں جاری بیان دے مطابق اے ڳالھیں انہاں مسلم لیگ ن نال تعلق رکھݨ آلے گلگت بلتستان اسمبلی دے ارکان نال ڳالھ مہاڑ کریندیں ہوئیں کیتا جنھاں وزیرِاعظم نال اتھاں ملاقات کیتی۔ ملاقات اچ نائب وزیرِاعظم تے وزیرِ خارجہ محمد اسحاق ڈار، وفاقی وزیرِ اطلاعات تے نشریات عطاء اللہ تارڑ، وفاقی وزیر برائے امورِ کشمیر و گلگت بلتستان انجینئر امیر مقام تے وزیرِاعظم دے مشیر برائے سیاسی و عوامی امور رانا ثناء اللہ وی موجود ہن۔ وزیرِاعظم آکھیا جو گلگت بلتستان دے عوام ہمیشہ پاکستان نال آپݨی محبت، وفاداری تے قومی یکجہتی دا عملی ثبوت ݙتا، آپ عوام دے منتخب نمائندے ہن، آپ دے ذریعے عوام دیاں توقعات، مسائل تے ترجیحات توں براہِ راست آگاہی حاصل تھیندی اے، اساݙا تعلق کہیں وی سیاسی جماعت نال ہووے اساݙا مقصد صرف تے صرف عوام دی خدمت تے انھاں دی زندگی اچ آسانیاں پیدا کرݨ اے۔ انھاں آکھیا جو گلگت بلتستان دی تعمیر و ترقی وفاقی حکومت دی اولین ترجیحات اچ شامل اے، علاقے اچ بنیادی ڈھانچے، مواصلات، توانائی، تعلیم، صحت، سیاحت تے روزگار دے مواقع ودھاوݨ تے خصوصی توجہ ݙتی ویندی پئی اے، علاقے دے قدرتی وسائل، سیاحتی مقامات تے معدنی ذخائر کوں بروئے کار گھن تے مقامی معیشت کوں مزید مضبوط بݨایا ویسی۔ وزیرِاعظم آکھیا جو گلگت بلتستان اچ چار دانش سکول تعمیر دے آخری مراحل اچ ہن تے آئندہ سال توں انھاں اچ کلاسز شروع تھی ویسن، ایں توں علاوہ شمسی توانائی نال 100 میگا واٹ بجلی پیدا کرݨ دے منصوبے تے کام تیزی نال جاری اے۔ انھاں ارکان کوں مخاطب کریندیں ہوئیں آکھیا جو آپ دی تجاویز تے سفارشات اساݙے کیتے اہم ہن، گلگت بلتستان دے عوام دی فلاح و بہبود کیتے اساں رل تے کم کریسوں۔  کمیٹی دے ٻئے ارکان اچ وفاقی وزیر برائے امورِ کشمیر و گلگت بلتستان انجینئر امیر مقام تے وزیرِاعظم دے مشیر برائے سیاسی تے عوامی امور رانا ثناء اللہ شامل ہن۔