سلامتی کونسل دی قرارداداں تے مؤثر تے مکمل عملدرآمد، بین الاقوامی قانون تے عالمی معاہدیاں دا احترام ضروری اے، وزیرِاعظم شہباز شریف دی ربیکا گرین سپین نال ملاقات اچ ڳالھ مہاڑ

اسلام آباد۔10 جولائی (اے پی پی) وزیرِاعظم محمد شہباز شریف عالمی امن، سلامتی تے خوشحالی دے فروغ کیتے اقوامِ متحدہ دی سلامتی کونسل دیاں قرارداداں تے مؤثر تے مکمل عملدرآمد، بین الاقوامی قانون تے عالمی معاہدیاں دے احترام کوں ضروری قرار ݙتے۔ جمعے کوں وزیرِاعظم آفس دے میڈیا ونگ توں جاری بیان دے مطابق وزیرِاعظم محمد شہباز شریف نال اقوامِ متحدہ دے سیکرٹری جنرل دے عہدے دی امیدوار ربیکا گرین سپین وزیرِاعظم ہاؤس اچ ملاقات کیتی۔ ملاقات دے دوران وزیرِاعظم کثیرالجہتی تعاون کیتے پاکستان دے غیر متزلزل عزم دا اعادہ کریندیں ہوئیں اقوامِ متحدہ دے منشور دے مقاصد تے اصولاں دے فروغ و پاسداری کیتے پاکستان دے پائیدار عزم دا اظہار کیتا۔ وزیرِاعظم عالمی امن، سلامتی تے خوشحالی دے فروغ کیتے اقوامِ متحدہ دی سلامتی کونسل دیاں قرارداداں تے مؤثر تے مکمل عملدرآمد، بین الاقوامی قانون تے عالمی معاہدیاں دے احترام کوں ناگزیر قرار ݙتا۔ وزیرِاعظم اقوامِ متحدہ دے ترائے بنیادی ستوناں، یعنی امن و سلامتی، ترقی تے انسانی حقوق، اچ متوازن پیش رفت دی ضرورت تے زور ݙتا۔ انھاں بالخصوص عالمی ترقیاتی ایجنڈے تے مؤثر عملدرآمد تے ترقی پذیر ملکاں کوں درپیش چیلنجز نال نبڑݨ کیتے بین الاقوامی تعاون کوں ٻیا مضبوط بݨاوݨ دی اہمیت کوں اجاگر کیتا۔ ربیکا گرین سپین اقوامِ متحدہ اچ پاکستان دے دیرینہ تے قابلِ قدر کردار کوں سراہیا اتے حالیہ علاقائی امن دے فروغ کیتے پاکستان دی تعمیری کوششاں دی وی تعریف کیتی۔