کثیرالجہتی نظام، اقوامِ متحدہ دے چارٹر تے مضبوط یو این او کیتے پاکستان دے غیرمتزلزل عزم دا اعادہ کریندن، وزیرِاعظم محمد شہباز شریف

اسلام آباد۔10 جولائی (اے پی پی) وزیرِاعظم محمد شہباز شریف کثیرالجہتی نظام، اقوامِ متحدہ دے چارٹر تے مضبوط اقوامِ متحدہ کیتے پاکستان دے غیرمتزلزل عزم دا اعادہ کیتے۔ جمعے کوں سماجی رابطے دی ویب سائٹ ایکس تے ہک بیان اچ وزیرِاعظم آکھیا جو اقوامِ متحدہ دے سیکرٹری جنرل دے عہدے دے امیدوار میکی سال دا اسلام آباد اچ خیرمقدم کرݨا انھاں کیتے باعثِ مسرت ہئی۔ وزیرِاعظم آکھیا جو ملاقات دے دوران انھاں کثیرالجہتی نظام، اقوامِ متحدہ دے چارٹر تے ہک مضبوط اقوامِ متحدہ کیتے پاکستان دے غیرمتزلزل عزم دا اعادہ کیتا جیہڑا امن، ترقی تے انسانی حقوق دے متوازن فروغ کیتے مؤثر کردار ادا کرے۔ وزیرِاعظم آکھیا جو انھاں میکی سال ولوں اقوامِ متحدہ اچ پاکستان دی طویل المدتی خدمات تے مکالمے، سفارتکاری تے عالمی امن دے فروغ کیتے اساݙی مسلسل کوششاں کوں سراہݨ تے انھاں دے اعتراف تے وی انھاں دا شکریہ ادا کیتا۔