بلوچستان اچ سکیورٹی فورسز دی کارروائی اچ فتنہ الہندوستان دے 2 دہشت گرد جہنم واصل کر ݙتے ڳئے

اسلام آباد۔11 جولائی (اے پی پی) بلوچستان اچ سکیورٹی فورسز دی کارروائی اچ فتنہ الہندوستان دے 2 دہشت گرد جہنم واصل کر ݙتے ڳئے۔ تفصیلات دے مطابق سکیورٹی فورسز دی بلوچستان اچ دہشت گرداں دے خلاف بھرپور کارروائیاں جاری ہن۔ سکیورٹی فورسز بلوچستان اچ این 25 کراسنگ دے قریب مؤثر کارروائی دے ذریعے فتنہ الہندوستان دے 2 دہشت گرداں کوں جہنم واصل کر ݙتا، دہشت گرداں توں اسلحہ، دستی بم، موٹرسائیکل، موبائل فون اتے کالعدم تنظیم دے جھنڈے تے ٻیا سامان برآمد کیتا ڳیا۔ ذرائع دے مطابق فتنہ الہندوستان دے دہشت گرداں، انھاں دے سرپرستاں تے سہولت کاراں دے ناپاک عزائم دے مکمل خاتمے کیتے افواجِ پاکستان دا عزم غیر متزلزل اے۔