اسلام آباد۔11 جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار پاکستان دی اقتصادی سفارت کاری دے فروغ کیتے جاری کوششاں دا جائزہ گھنݨ کیتے بین الوزارتی اجلاس دی صدارت کیتی۔ ہفتے کوں دفترِ خارجہ دے مطابق نائب وزیرِاعظم پاکستان دی معیشت دے فروغ کیتے عالمی تے علاقائی سطح تے کوششاں کوں مزید تیز کرݨ دی اہمیت تے زور ݙتا جئیں اچ بین الاقوامی معیارات تے …
نائب وزیرِاعظم سینیٹر محمد اسحاق ڈار دی صدارت بین الوزارتی اجلاس، پاکستان دی اقتصادی سفارت کاری دے فروغ کیتے جاری کوششاں دا جائزہ گھدا ڳیا
اسلام آباد۔11 جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار پاکستان دی اقتصادی سفارت کاری دے فروغ کیتے جاری کوششاں دا جائزہ گھنݨ کیتے بین الوزارتی اجلاس دی صدارت کیتی۔ ہفتے کوں دفترِ خارجہ دے مطابق نائب وزیرِاعظم پاکستان دی معیشت دے فروغ کیتے عالمی تے علاقائی سطح تے کوششاں کوں مزید تیز کرݨ دی اہمیت تے زور ݙتا جئیں اچ بین الاقوامی معیارات تے ذمہ داریاں تے بہتر عملدرآمد وی شامل اے۔ نائب وزیرِاعظم پائیدار اقتصادی استحکام کیتے حکومت دے عزم دا اعادہ کریندیں ہوئیں تمام متعلقہ فریقاں کوں ایں سلسلے اچ آپݨیاں کوششاں ٻئی تیز کرݨ دی ہدایت کیتی۔ اجلاس اچ وزیرِاعظم دے معاونِ خصوصی طارق باجوہ، سیکرٹری خارجہ، سیکرٹری کابینہ ڈویژن تے متعلقہ اداریاں دے اعلیٰ حکام شرکت کیتی۔
