صدرِ مملکت آصف علی زرداری دی منگولیا دی قیادت کوں قومی ݙینھ تے مبارکباد

اسلام آباد۔11 جولائی (اے پی پی) صدرِ مملکت آصف علی زرداری منگولیا دے صدر اوکھناگین کھورلسوکھ، حکومت تے عوام کوں قومی ݙینھ تے مبارکباد ݙتی اے۔ ہفتے کوں ایوانِ صدر دے پریس ونگ توں جاری بیان دے مطابق صدرِ مملکت آپݨے تہنیتی سنیھے اچ آکھیا جو اے موقع منگولیا دی تاریخ، ثقافتی ورثے تے عوام دے لازوال جذبے دی یاد ݙویندے۔ انھاں ’’نادام فیسٹیول‘‘ کوں جیہڑا کشتی رانی، تیر اندازی تے گھڑ دوڑ دے روایتی کھیڈاںں کیتے مشہور اے، منگولیا دی تہذیب تے وہاں دے عوام دے فخر دی علامت قرار ݙتا۔ صدرِ مملکت آکھیا جو پاکستان تے منگولیا وچال آپسی اعتماد، مشترکہ اقدار تے علاقائی تے کثیر الجہتی فورمز اچ تعاون تے مبنی خوشگوار تعلقات ہن۔ انھاں تجارت، زراعت، استعداد کار اچ اضافے تے عوامی روابط اچ ودھدے ہووے تعاون کوں ݙوہیں ملکاں دے تعلقات اچ مثبت رجحان دا عکاس قرار ݙتا۔ صدرِ مملکت ایں یقین دا اظہار کیتا جو مستقبل اچ اے آپسی دوستی، ݙوہیں ملکاں دے امن، یگانگت تے ترقی کیتے مشترکہ امنگاں دی رہنمائی اچ مضبوط تر تھیسی۔