اسلام آباد۔11 جولائی (اے پی پی) نائب وزیرِاعظم و وزیرِ خارجہ سینیٹر محمد اسحاق ڈار ہفتے دے ݙینھ سعودی عرب دے وزیرِ خارجہ شہزادہ فیصل بن فرحان آل سعود نال ٹیلیفون تے ڳالھ مہاڑ کیتی، ݙوہیں رہنماواں خطے دی اڄوکی صورتحال تے ڳالھ مہاڑ کیتی اتے جون 2026 اچ امریکہ تے ایران دے درمیان اسلام آباد مفاہمتی یادداشت تے دستخط دے باوجود کشیدگی اچ تھیوݨ آلے اضافے تے گہری تشویش …
نائب وزیرِاعظم تے وزیرِ خارجہ سینیٹر محمد اسحاق ڈار دی سعودی عرب دے وزیرِ خارجہ شہزادہ فیصل بن فرحان آل سعود نال ٹیلیفون تے ڳالھ مہاڑ
اسلام آباد۔11 جولائی (اے پی پی) نائب وزیرِاعظم و وزیرِ خارجہ سینیٹر محمد اسحاق ڈار ہفتے دے ݙینھ سعودی عرب دے وزیرِ خارجہ شہزادہ فیصل بن فرحان آل سعود نال ٹیلیفون تے ڳالھ مہاڑ کیتی، ݙوہیں رہنماواں خطے دی اڄوکی صورتحال تے ڳالھ مہاڑ کیتی اتے جون 2026 اچ امریکہ تے ایران دے درمیان اسلام آباد مفاہمتی یادداشت تے دستخط دے باوجود کشیدگی اچ تھیوݨ آلے اضافے تے گہری تشویش دا اظہار کیتا۔ دفترِ خارجہ توں جاری بیان دے مطابق ݙوہیں رہنماواں ایں ڳالھ تے اتفاق کیتا جو تنازع دا دوبارہ شدت اختیار کرݨ کہیں دے مفاد اچ نئی اتے اے خطے اچ امن و استحکام دے قیام دیاں کوششاں کوں نقصان ݙیندے۔ سعودی وزیرِ خارجہ جاری سفارتی کوششاں دے حوالے نال مملکتِ سعودی عرب دا مؤقف بیان کیتا اتے کشیدگی اچ ڳھٹکی تے مسلسل مذاکرات دی اہمیت تے زور ݙتا۔ نائب وزیرِاعظم تے وزیرِ خارجہ پاکستان دے ایں مؤقف دا اعادہ کیتا جو تمام فریق زیادہ توں زیادہ تحمل دا مظاہرہ کرن اتے ثالثی دیاں کوششاں کوں کامیاب، پُرامن تے بامعنی نتیجے تائیں پڄاوݨ کیتے ضروری وقت تے مواقع فراہم کیتے ونڄن۔ ݙوہیں رہنماواں باہمی رابطے برقرار رکھݨ تے اتفاق کیتا۔
