اسلام آباد۔12 جولائی (اے پی پی) وزیرِاعظم محمد شہباز شریف قطر دے سابق امیر شیخ حمد بن خلیفہ آل ثانی دے انتقال تے ݙکھ تے افسوس دا اظہار کریندیں ہوئیں انھاں دی بصیرت، دور اندیشی تے قطر کوں جدید ریاست اچ ڈھالݨ تے انھاں کوں خراجِ عقیدت پیش کیتے۔ اتوار کوں ’’ایکس‘‘ تے آپݨے تعزیتی سنیھے اچ وزیرِاعظم آکھیا جو انھاں کوں ایں خبر تے ٻہوں ݙکھ تھئے جو ریاستِ …
وزیرِاعظم شہباز شریف دا قطر دے سابق امیر شیخ حمد بن خلیفہ آل ثانی دے انتقال تے افسوس
مزید خبراں
اسلام آباد۔12 جولائی (اے پی پی) وزیرِاعظم محمد شہباز شریف قطر دے سابق امیر شیخ حمد بن خلیفہ آل ثانی دے انتقال تے ݙکھ تے افسوس دا اظہار کریندیں ہوئیں انھاں دی بصیرت، دور اندیشی تے قطر کوں جدید ریاست اچ ڈھالݨ تے انھاں کوں خراجِ عقیدت پیش کیتے۔ اتوار کوں ’’ایکس‘‘ تے آپݨے تعزیتی سنیھے اچ وزیرِاعظم آکھیا جو انھاں کوں ایں خبر تے ٻہوں ݙکھ تھئے جو ریاستِ قطر دے سابق امیر شیخ حمد بن خلیفہ آل ثانی انتقال کر ڳئن۔ وزیرِاعظم مرحوم دی خدمات کوں سراہیندیں ہوئیں آکھیا جو او ہک عظیم رہنما تے مدبر سیاستدان ہن، جنھاں دی بصیرت، دور اندیشی تے عوامی خدمت نال غیرمتزلزل وابستگی قطر کوں ہک جدید، خوشحال تے عالمی سطح تے باوقار ریاست اچ تبدیل کیتا، آپݨے وطن تے عوام دی فلاح و بہبود کیتے انھاں دی گرانقدر خدمات، نیز علاقائی امن، ترقی تے بین الاقوامی تعاون دے فروغ اچ انھاں دا کردار ہمیشہ یاد رکھیا ویسی اتے آوݨ آلی نسلاں کیتے مشعلِ راہ رہسی۔ وزیرِاعظم آکھیا جو پاکستان دے عوام، حکومتِ پاکستان تے آپݨے ولوں، میں آپݨے عزیز بھرا، ریاستِ قطر دے امیر شیخ تمیم بن حمد آل ثانی، آل ثانی خاندان، حکومتِ قطر تے قطر دے برادر عوام توں دلی تعزیت تے گہرے رنج و غم دا اظہار کرینداں۔ وزیرِاعظم آکھیا جو ݙکھ دی ایں گھڑی اچ پاکستان پوری یکجہتی دے نال آپݨے قطری ٻھراواں اتے بھݨیں دے نال کھڑے۔ اساں مرحوم دی پاکستان نال والہانہ محبت، خلوص، شفقت تے انھاں دے پاکستان دے متعدد یادگار دوریاں کوں ہمیشہ قدر تے احترام نال یاد رکھیسوں۔ انھاں دعا کیتی جو اللہ تعالیٰ مرحوم کوں جنت الفردوس اچ اعلیٰ مقام عطا فرماوے اتے شاہی خاندان سمیت اساݙے قطری ٻھراواں اتے بھݨیں کوں ایں ناقابلِ تلافی نقصان کوں صبر، ہمت تے استقامت دے نال برداشت کرݨ دی توفیق عطا فرماوے۔
