اسلام آباد۔ 13 جولائی (اے پی پی) وزارتِ خارجہ دے اہتمام نال اسلام آباد اچ مینگو فیسٹیول دا انعقاد کیتا ڳئے، جیں دا مقصد پاکستان دے مشہور امب دیاں قسماں ، معیار تے عالمی منڈیاں اچ انھاں دی ودھدی اہمیت کوں اجاگر کرݨ ہئی۔ فیسٹیول اچ سیکرٹری خارجہ آمنہ بلوچ بطورِ مہمانِ خصوصی شرکت کیتی۔ تقریب اچ وزارتِ خارجہ دے اعلیٰ حکام تے مختلف ملکاں دے سفارتی نمائندیں شرکت کیتی۔ …
وزارتِ خارجہ دے اہتمام نال اسلام آباد اچ مینگو فیسٹیول دا انعقاد
مزید خبراں
اسلام آباد۔ 13 جولائی (اے پی پی) وزارتِ خارجہ دے اہتمام نال اسلام آباد اچ مینگو فیسٹیول دا انعقاد کیتا ڳئے، جیں دا مقصد پاکستان دے مشہور امب دیاں قسماں ، معیار تے عالمی منڈیاں اچ انھاں دی ودھدی اہمیت کوں اجاگر کرݨ ہئی۔ فیسٹیول اچ سیکرٹری خارجہ آمنہ بلوچ بطورِ مہمانِ خصوصی شرکت کیتی۔ تقریب اچ وزارتِ خارجہ دے اعلیٰ حکام تے مختلف ملکاں دے سفارتی نمائندیں شرکت کیتی۔ ایں موقع تے شرکاء کوں پاکستان اچ پیدا تھیوݨ آلے امب دیاں مختلف قسماں، انھاں دے منفرد ذائقے تے عالمی سطح تے پاکستانی امبیں دی مقبولیت دا ݙسایا ڳیا۔مینگو فیسٹیول دے ذریعے پاکستان دے زرعی شعبے بالخصوص امب دی پیداوار تے برآمدات کوں سفارتی سطح تے ودھارا ݙیوݨ دی کوشش کیتی ڳئی۔ فیسٹیول اچ غیر ملکی سفارت کاراں پاکستانی امبیں دے معیار تے ذائقے دی تعریف کیتی تے ایں کوں پاکستان دی ثقافتی و زرعی شناخت دا اہم حصہ قرار ݙتا۔ وزارتِ خارجہ ولوں منعقدہ ایں فیسٹیول دا مقصد اقتصادی سفارت کاری کوں ودھارا ݙیوݨ تے پاکستان دیاں زرعی مصنوعات کوں عالمی سطح تے متعارف کراوݨ کیتے سفارتی رابطے کوں مزید تکڑا بݨاوݨ ہئی۔
