اسلام آباد۔13جولائی(اے پی پی) خاتونِ اول تے رکن قومی اسمبلی آصفہ بھٹو زرداری پاکستانی طالب علم جیانت کمار کوں ہارورڈ کرمسن بزنس مقابلے اچ عالمی چیمپئن بݨݨ تے مبارخ ݙتی اے۔ سوشل میڈیا پلیٹ فارم ایکس تے آپݨے پیغام اچ خاتونِ اول آکھیا جو ایں کامیابی نال طالب علم پاکستان دا ناں روشن کرݙتے۔کراچی گرامر سکول نال تعلق رکھݨ آلے جیانت کمار ہارورڈ کرمسن بزنس مقابلے اچ عالمی چیمپئن دا …
خاتونِ اول آصفہ بھٹو زرداری دی ہارورڈ کرمسن بزنس مقابلے اچ عالمی چیمپئن بݨݨ تے پاکستانی طالب علم کوں مبارخ
اسلام آباد۔13جولائی(اے پی پی) خاتونِ اول تے رکن قومی اسمبلی آصفہ بھٹو زرداری پاکستانی طالب علم جیانت کمار کوں ہارورڈ کرمسن بزنس مقابلے اچ عالمی چیمپئن بݨݨ تے مبارخ ݙتی اے۔ سوشل میڈیا پلیٹ فارم ایکس تے آپݨے پیغام اچ خاتونِ اول آکھیا جو ایں کامیابی نال طالب علم پاکستان دا ناں روشن کرݙتے۔کراچی گرامر سکول نال تعلق رکھݨ آلے جیانت کمار ہارورڈ کرمسن بزنس مقابلے اچ عالمی چیمپئن دا اعزاز حاصل کیتا جیڑھا دنیا دے معتبر ترین پری کالج بزنس مقابلیں اچ شمار تھیندے۔ ایں مقابلے دے ججز اچ فارچیون 500 کمپنیاں دے اعلیٰ انتظامی عہدیدار شامل تھیندن۔ دنیا دی ہک ہزار توں ودھ ٹیماں وچال تھیوݨ آلے ایں مقابلے اچ جتھاں زیادہ تر ٹیماں چار ارکان تے مشتمل ہن، جیانت کمار کلھیں شرکت کریندیں نمایاں کامیابی حاصل کیتی۔ او ایں مقابلے دے گلوبل فائنل کیتے کوالیفائی کرݨ آلے پہلے پاکستانی طالب علم بݨ ڳئن جیں کوں پاکستان کیتے ہک تاریخی اعزاز قرار ݙتا ویندا پئے۔
