اسلام آباد۔13جولائی (اے پی پی) چیئرمین سینیٹ سید یوسف رضا گیلانی گورنر خیبر پختونخوا فیصل کریم کنڈی ولوں جمہوریہ بلغاریہ دی پاکستان اچ سفیر ایرینا گانچیوا دے اعزاز اچ ݙتے ڳئے الوداعی ظہرانے اچ خصوصی شرکت کیتی۔ سینیٹ سیکرٹریٹ موجب ایں موقع تے چیئرمین سینیٹ سفیر ایرینا گانچیوا کیتے نیک تمناؤں دا اظہار کریندیں پاکستان تے بلغاریہ وچال دوستانہ تعلقات، پارلیمانی رابطے تے سانجھے تعاون دے ودھارے اچ انھاں دی …
چیئرمین سینیٹ سید یوسف رضا گیلانی دی بلغاریہ دی سفیر دے اعزاز اچ ݙتے ڳئے الوداعی ظہرانے اچ خصوصی شرکت
اسلام آباد۔13جولائی (اے پی پی) چیئرمین سینیٹ سید یوسف رضا گیلانی گورنر خیبر پختونخوا فیصل کریم کنڈی ولوں جمہوریہ بلغاریہ دی پاکستان اچ سفیر ایرینا گانچیوا دے اعزاز اچ ݙتے ڳئے الوداعی ظہرانے اچ خصوصی شرکت کیتی۔ سینیٹ سیکرٹریٹ موجب ایں موقع تے چیئرمین سینیٹ سفیر ایرینا گانچیوا کیتے نیک تمناؤں دا اظہار کریندیں پاکستان تے بلغاریہ وچال دوستانہ تعلقات، پارلیمانی رابطے تے سانجھے تعاون دے ودھارے اچ انھاں دی خدمات دی تعریف کیتی ۔انھاں آکھیا جو سفیر ایرینا گانچیوا آپݨے دورِ تعیناتی دے دوران ݙوہیں ملکاں وچال سفارتی، تجارتی، ثقافتی تے پارلیمانی تعلقات کوں مزید مستحکم بݨاوݨ اچ قابلِ قدر کردار ادا کیتا جیں کوں ہمیشہ قدر دی نگاہ نال ݙٹھا ویسی۔چیئرمین سینیٹ سید یوسف رضا گیلانی بلغاریہ دی قیادت تے عوام کیتے وی آپݨی نیک خواہشات دا اظہار کریندیں ایں امید دا اظہار کیتا جو پاکستان تے بلغاریہ وچال ݙوپاسے تعلقات مستقبل اچ مزید وسعت اختیار کریسن تے مختلف شعبیں اچ تعاون مزید تکڑا تھیسی۔ تقریب اچ وزیرِمملکت سمندر پار پاکستانی محمد عون چوہدری، رکن قومی اسمبلی سید عبدالقادر گیلانی سودھے مختلف ملکاں دے سفراء، اعلیٰ سرکاری شخصیات تے معزز مہماناں وی شرکت کیتی۔ ظہرانے دے دوران چیئرمین سینیٹ سید یوسف رضا گیلانی تے گورنر خیبر پختونخوا فیصل کریم کنڈی وچال ملک دی مجموعی سیاسی و معاشی صورتحال، عوامی فلاح و بہبود، وفاق تے صوبیں وچال تعاون، تے قومی ترقی متعلق مختلف امور تے وی تفصیلی ڳالھ مہاڑ کیتی ڳئی۔
