پاک فوج، ایف سی بلوچستان تے پولیس دا سانجھا “آپریشن شعبان” جاری، مجموعی طور تے 117 خارجی دہشت گرد جہنم واصل

راولپنڈی۔13جولائی (اے پی پی) پاک فوج، ایف سی بلوچستان تے پولیس دا سانجھا “آپریشن شعبان” جاری اے، 5 جولائی توں ہݨ تئیں آپریشن شعبان تے ٻئے انٹیلی جنس بیسڈ آپریشنز اچ مجموعی طور تے 117 خارجی دہشت گرد جہنم واصل تھی چکئن۔ سکیورٹی ذرائع موجب سکیورٹی فورسز دی فتنہ الخوارج دے خلاف علاقے اچ مؤثر کارروائیاں جاری ہن، سکیورٹی فورسز ولوں خارجیاں کوں ہوائی تے زمینی کارروائیاں دے ذریعے نشانہ بݨایا ویندا پئے، مؤثر کارروائیاں دے نتیجے اچ خارجی دہشت گرد آپݨیاں کمین گاہیں چھوڑ تے بھڄݨ تے مجبور تھی ڳئن۔سکیورٹی ذرائع موجب خارجی دہشت گرداں دیاں کمین گاہواں توں باری مقدار اچ اسلحہ و گولہ بارود تے ٻیا سامان برآمد کیتا ڳئے، سکیورٹی فورسز دی مؤثر کارروائیاں دے دوران مزید 3 دہشت گرداں دے جہنم واصل تھیوݨ دیاں مصدقہ اطلاعات ہن۔آپریشن شعبان اچ جہنم واصل تھیوݨ آلے دہشت گرداں دی مجموعی تعداد 79 تھی ڳئی اے۔ 5 جولائی توں ہݨ تئیں آپریشن شعبان تے ٻئے انٹیلی جنس بیسڈ آپریشنز اچ مجموعی طور تے 117 خارجی دہشت گرد جہنم واصل تھی چکئن۔ سکیورٹی ذرائع آکھیے جو چھیکڑی دہشت گرد دے خاتمے تئیں بلوچستان اچ آپریشن شعبان جاری رہسی۔