اسلام آباد۔14جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار نال بنگلہ دیش دے ٻالاں، تریمتیں تے سماجی بہبود دے وزیر ڈاکٹر اے زیڈ ایم زاہد حسین گزشتہ شام ملاقات کیتی۔ منگل کوں وزارتِ خارجہ ولوں جاری بیان دے مطابق نائب وزیرِاعظم تے وزیرِ خارجہ اسلام آباد اچ منعقدہ او آئی سی وزارتی کانفرنس برائے خواتین دے نویں اجلاس اچ شرکت کیتے پاکستان آوݨ تے ڈاکٹر …
نائب وزیرِاعظم تے وزیرِ خارجہ سینیٹر محمد اسحاق ڈار نال بنگلہ دیش دے وزیر ڈاکٹر اے زیڈ ایم زاہد حسین گزریل شام ملاقات کیتی
مزید خبراں
اسلام آباد۔14جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار نال بنگلہ دیش دے ٻالاں، تریمتیں تے سماجی بہبود دے وزیر ڈاکٹر اے زیڈ ایم زاہد حسین گزشتہ شام ملاقات کیتی۔ منگل کوں وزارتِ خارجہ ولوں جاری بیان دے مطابق نائب وزیرِاعظم تے وزیرِ خارجہ اسلام آباد اچ منعقدہ او آئی سی وزارتی کانفرنس برائے خواتین دے نویں اجلاس اچ شرکت کیتے پاکستان آوݨ تے ڈاکٹر زاہد حسین دا خیرمقدم کیتا۔ انھاں کانفرنس اچ بنگلہ دیش دی شرکت کوں سراہندیں ہوئیں او آئی سی دے فریم ورک تے ایں توں اڳوں خواتین کوں بااختیار بݨاوݨ کیتے تعاون دے فروغ دے حوالے نال پاکستان دے پختہ عزم دا اعادہ کیتا۔ نائب وزیرِاعظم تے وزیرِ خارجہ گزشتہ سال اگست اچ آپݨے ڈھاکہ دے دورے کوں یاد کریندیں ہوئیں پاکستان تے بنگلہ دیش دے درمیان ݙوپاسہ تعلقات کوں ٻیا مستحکم بݨاوݨ دے عزم دا اعادہ کیتا اتے آپسی دلچسپی دے مختلف شعبیاں اچ تعاون کوں مزید وسعت ݙیوݨ کیتے پاکستان دی آمادگی کوں واضح کیتا۔ ملاقات دے دوران ݙوہیں رہنماؤاں تجارت، تعلیم، سماجی بہبود تے عوامی روابط سمیت مختلف شعبیاں اچ ݙوپاسہ تعاون دے فروغ بارے ڳالھ مہاڑ کیتی۔
