اسلام آباد۔14جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار نال اقوامِ متحدہ دے سیکرٹری جنرل دے عہدے دی امیدوار مشیل باشلیٹ جیریا ملاقات کیتی، انھاں خطے اچ امن تے استحکام کیتے پاکستان دی مسلسل کوششاں کوں سراہیا۔ منگل کوں وزارتِ خارجہ ولوں جاری بیان دے مطابق نائب وزیرِاعظم تے وزیرِ خارجہ اقوامِ متحدہ دے منشور دے مقاصد تے اصولاں دے فروغ، بین الاقوامی قانون تے …
نائب وزیرِاعظم نال اقوامِ متحدہ دے سیکرٹری جنرل دے عہدے دی امیدوار دی ملاقات، خطے اچ امن تے استحکام کیتے پاکستان دی مسلسل کوششاں کوں سراہیا
مزید خبراں
اسلام آباد۔14جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار نال اقوامِ متحدہ دے سیکرٹری جنرل دے عہدے دی امیدوار مشیل باشلیٹ جیریا ملاقات کیتی، انھاں خطے اچ امن تے استحکام کیتے پاکستان دی مسلسل کوششاں کوں سراہیا۔ منگل کوں وزارتِ خارجہ ولوں جاری بیان دے مطابق نائب وزیرِاعظم تے وزیرِ خارجہ اقوامِ متحدہ دے منشور دے مقاصد تے اصولاں دے فروغ، بین الاقوامی قانون تے بین الاقوامی معاہدیاں دے احترام کیتے پاکستان دے غیر متزلزل عزم دا اعادہ کیتا۔ انھاں عالمی ترقیاتی ایجنڈے کوں اڳوں ودھاوݨ اچ اقوامِ متحدہ دے کلیدی کردار تے زور ݙیندیں ہوئیں آکھیا جو ادارے کوں ترقی پذیر ملکاں دی ضروریات تے ترجیحات دے مطابق مؤثر تے جوابدہ رہݨا چاہیدے۔ نائب وزیرِاعظم تے وزیرِ خارجہ پائیدار عالمی امن دے قیام کیتے اقوامِ متحدہ دی سلامتی کونسل دی قرارداداں تے مکمل تے دیانتدارانہ عمل درآمد دے ذریعے بین الاقوامی تنازعات دے پُرامن حل دی ضرورت تے وی زور ݙتا۔ انھاں بالخصوص مسئلہِ جموں و کشمیر تے مسئلہِ فلسطین دے منصفانہ تے پائیدار حل دی اہمیت کوں اڳونہا کیتا۔ مشیل باشلیٹ جیریا خطے اچ امن تے استحکام دے فروغ کیتے پاکستان دی مسلسل کوششاں کوں سراہیا اتے اقوامِ متحدہ کیتے گزریل سالیں دے دوران پاکستان دی گراں قدر خدمات تے نمایاں کردار دی تعریف کیتی۔
