اسلام آباد۔14جولائی(اے پی پی)وزیرِاعظم محمد شہباز شریف اقوامِ متحدہ دے منشور دے مقاصد اتے اصولاں دی پاسداری، اقوامِ متحدہ دیاں قرارداداں اتے بین الاقوامی معاہداں تے مؤثر عملدرآمد اتے عالمی ترقیاتی ایجنڈے تے فوری عملدرآمد کیتے بین الاقوامی تعاون ٻیا تکڑا کرݨ تے زور ݙتے۔ او اسلام آباد اچ اقوامِ متحدہ دے سیکرٹری جنرل دے عہدے دی امیدوار مشیل باشلیٹ نال وزیرِاعظم ہاؤس اچ ملݨ ویلھے الیندے پئے ہن۔ ایں …
وزیرِاعظم شہباز شریف نال اقوامِ متحدہ دے سیکرٹری جنرل دے عہدے دی امیدوار مشیل باشلیٹ دی ملاقات
مزید خبراں
اسلام آباد۔14جولائی(اے پی پی)وزیرِاعظم محمد شہباز شریف اقوامِ متحدہ دے منشور دے مقاصد اتے اصولاں دی پاسداری، اقوامِ متحدہ دیاں قرارداداں اتے بین الاقوامی معاہداں تے مؤثر عملدرآمد اتے عالمی ترقیاتی ایجنڈے تے فوری عملدرآمد کیتے بین الاقوامی تعاون ٻیا تکڑا کرݨ تے زور ݙتے۔ او اسلام آباد اچ اقوامِ متحدہ دے سیکرٹری جنرل دے عہدے دی امیدوار مشیل باشلیٹ نال وزیرِاعظم ہاؤس اچ ملݨ ویلھے الیندے پئے ہن۔ ایں موقع تے نائب وزیرِاعظم و وزیرِ خارجہ سینیٹر محمد اسحاق ڈار اتے سیکرٹری خارجہ سفیر آمنہ بلوچ وی موجود ہن۔ وزیرِاعظم مشیل باشلیٹ دا پاکستان آوݨ تے خیرمقدم کریندے کثیرالجہتی تعاون ودھاوݨ اتے عالمی چیلنجز نال نمٹݨ اچ اقوامِ متحدہ دے مرکزی کردار کیتے پاکستان دی تکڑی حمایت دا عزم دوہرایا۔ انھاں اقوامِ متحدہ دے منشور دے مقاصد اتے اصولاں دی پاسداری، اقوامِ متحدہ دیاں قرارداداں اتے بین الاقوامی معاہدات تے مؤثر عملدرآمد اتے اقوامِ متحدہ دے تریے بنیادی ستوناں یعنی امن و سلامتی، ترقی اتے انسانی حقوق اچ متوازن پیش رفت تے زور ݙتے۔ انھاں عالمی ترقیاتی ایجنڈے تے تیکھے عملدرآمد کیتے بین الاقوامی تعاون کوں ٻیا ودھاوݨ دا وی آکھیے۔ مشیل باشلیٹ اقوامِ متحدہ اچ پاکستان دی تاریخی اتے بہترین خدمات دی تعریف کریندے علاقائی اتے بین الاقوامی امن و سلامتی سانڳے پاکستان کوں سراہے۔
