اسلام آباد۔15جولائی (اے پی پی) نائب وزیرِاعظم تے وزیرِخارجہ اسحاق ڈار ایکسپلوریشن اینڈ پروڈکشن سیکٹر متعلق کمیٹی دے اجلاس دی صدارت کیتی۔ نائب وزیرِاعظم دے دفتر توں جاری بیان موجب کمیٹی اہم اقدامات تے تھیوݨ آلی پیشرفت دا جائزہ ڳھدا۔کمیٹی کوں سمندر تے خشکی اچ جاری تیل و گیس دی تلاش دیاں سرگرمیاں، درپیش چیلنجز تے گیس دے شعبے اچ جاری اصلاحات تے بریفنگ ݙتی ڳئی جیں اچ ایں شعبے …
تیل تے گیس دی مقامی پیداواراچ ودھارا حکومت دے توانائی تحفظ دے ایجنڈے دی اہم ترجیح اے، نائب وزیرِاعظم اسحاق ڈار دا اجلاس توں خطاب
مزید خبراں
اسلام آباد۔15جولائی (اے پی پی) نائب وزیرِاعظم تے وزیرِخارجہ اسحاق ڈار ایکسپلوریشن اینڈ پروڈکشن سیکٹر متعلق کمیٹی دے اجلاس دی صدارت کیتی۔ نائب وزیرِاعظم دے دفتر توں جاری بیان موجب کمیٹی اہم اقدامات تے تھیوݨ آلی پیشرفت دا جائزہ ڳھدا۔کمیٹی کوں سمندر تے خشکی اچ جاری تیل و گیس دی تلاش دیاں سرگرمیاں، درپیش چیلنجز تے گیس دے شعبے اچ جاری اصلاحات تے بریفنگ ݙتی ڳئی جیں اچ ایں شعبے دی طویل المدتی ترقی کیتے معاون مطالعات دی تکمیل وی شامل اے۔ نائب وزیرِاعظم کوں گردشی قرضے دے تصفیے تے مقامی سطح تے تیل و گیس دی تلاش تے پیداوار دے ذریعے مائع قدرتی گیس ݙیوݨ کوں بہتر بݨاوݨ دیاں کوششاں دا وی ݙسایا ڳیا۔سارے متعلقہ فریقاں دے تعمیری تعاون دی تعریف کریندے نائب وزیرِاعظم موجودہ چیلنجز نال نبڑݨ کیتے سانجھے رابطیں تے ہم آہنگی کوں مزید مؤثر بݨاوݨ دی لوڑھ تے زور ݙتا۔ انھاں ایں عزم دا اعادہ کیتا جو ملک اچ تیل تے گیس دی مقامی پیداوار اچ ودھارا حکومت دے توانائی تحفظ دے ایجنڈے دی اہم ترجیح اے تے ایں شعبے کیتے محفوظ تے سازگار ماحول ݙیوݨ کیتے حکومت دے مکمل تعاون دا یقین ݙیوائے۔اجلاس اچ وفاقی وزیرِ پٹرولیم، وفاقی وزیرِ بحری امور، وزیرِاعظم دے معاونِ خصوصی طارق باجوہ، متعلقہ وزارتاں دے سینئر حکام تے ملک دی نمایاں ایکسپلوریشن اینڈ پروڈکشن کمپنیاں دے سربراہان شرکت کیتی۔
