اسلام آباد۔15جولائی (اے پی پی) وفاقی وزیرتخفیفِ غربت و سماجی تحفظ سید عمران احمد شاہ نال ورلڈ فوڈ پروگرام دی نویں تعینات کنٹری ڈائریکٹرانیتا ہرش اسلام آباد اچ ملاقات کیتی۔ وزارت ولوں جاری بیان موجب وفاقی وزیر انیتا ہرش کوں پاکستان اچ ذمہ واریاں سنبھالݨ تے خوش آمدید آکھیا تے انھاں کیتے نیک خواہشات دا اظہار کیتا۔انھاں حکومتِ پاکستان تے ورلڈ فوڈ پروگرام وچال غذائی تحفظ، غذائیت تے سماجی تحفظ …
وفاقی وزیرسید عمران احمد شاہ نال ورلڈ فوڈ پروگرام دی نویں تعینات کنٹری ڈائریکٹر انیتا ہرش دی ملاقات
مزید خبراں
اسلام آباد۔15جولائی (اے پی پی) وفاقی وزیرتخفیفِ غربت و سماجی تحفظ سید عمران احمد شاہ نال ورلڈ فوڈ پروگرام دی نویں تعینات کنٹری ڈائریکٹرانیتا ہرش اسلام آباد اچ ملاقات کیتی۔ وزارت ولوں جاری بیان موجب وفاقی وزیر انیتا ہرش کوں پاکستان اچ ذمہ واریاں سنبھالݨ تے خوش آمدید آکھیا تے انھاں کیتے نیک خواہشات دا اظہار کیتا۔انھاں حکومتِ پاکستان تے ورلڈ فوڈ پروگرام وچال غذائی تحفظ، غذائیت تے سماجی تحفظ دے شعبیں اچ جاری پراݨے تعاون دی تعریف کریندے ایں شراکت داری کوں مزید تکڑا بݨاوݨ دے عزم دا اظہار کیتا۔ ملاقات دے دوران وفاقی وزیر بینظیر نشوونما پروگرام دی ترائے سالہ توسیع دا خیرمقدم کریندیں آکھیا جو ایں پروگرام ماء تے ٻال دی غذائیت بہتر بݨاوݨ تے بارے اچ نشوونما دی کمی دی شرح اچ نمایاں چنڳائی گھن آوݨ اچ اہم کردار ادا کیتا اے۔فریقین وزارتِ تخفیفِ غربت و سماجی تحفظ دے ماتحت ٻئے اداریں تئیں ورلڈ فوڈ پروگرام دے تعاون کوں وسعت ݙیوݨ تے وی ڳالھ مہاڑ کیتی ۔ ایں سلسلے اچ غذائیت، غذائی تحفظ، سکول میلز پروگرام، شواہد تے مبنی پالیسی سازی تے ٻئے سماجی تحفظ دے اقدامات اچ تعاون ودھاوݨ تے اتفاق کیتا ڳیا۔ وفاقی وزیر سید عمران احمد شاہ آکھیا جو حکومتِ پاکستان کمزور تے مستحق طبقات کیتے ہک مؤثر، جامع تے پائیدار سماجی تحفظ دا نظام مزید تکڑا بݨاوݨ کیتے ترقیاتی شراکت داراں دے نال نیڑے تعاون جاری رکھیسی۔ایں موقع تے انیتا ہرش حکومتِ پاکستان دے نال غذائیت، غذائی تحفظ تے سماجی تحفظ دے شعبیں اچ ورلڈ فوڈ پروگرام دے تعاون کوں جاری رکھݨ دے عزم دا اعادہ کیتا۔ انھاں پاکستان اچ کمزور طبقات دی فلاح و بہبود کیتے حکومت دیاں کوششاں دی تعریف کریندے انہاں شعبیں اچ تعاون کوں مزید وسعت ݙیوݨ دی خواہش دا اظہار وی کیتا۔
