پاکستان سول ایوارڈز 2026 کیتے سوشل ویلفیئر، فلاحی خدمات اتے عوامی خدمت بارے ذیلی کمیٹی دا اجلاس

اسلام آباد۔15جولائی(اے پی پی)پاکستان سول ایوارڈز 2026 کیتے سوشل ویلفیئر، فلاحی خدمات اتے عوامی خدمت بارے ذیلی کمیٹی دا اجلاس وفاقی وزیر برائے انسانی حقوق سینیٹر اعظم نذیر تارڑ دی زیرِ صدارت کابینہ ڈویژن، اسلام آباد اچ تھیا۔ اجلاس اچ ذیلی کمیٹی دے نائب چیئرمین و سیکرٹری وزارتِ انسانی حقوق عبدالخالق شیخ، سیکرٹری اسٹیبلشمنٹ ڈویژن بیرسٹر نبیل احمد اعوان، کابینہ ڈویژن دے سینئر حکام، ذیلی کمیٹی دے اراکین دے علاوہ سارے صوبیاں و علاقیاں دے نمائنداں اتے چیف سیکرٹریز ویڈیو لنک تے شرکت کیتی۔ اجلاس اچ پاکستان سول ایوارڈز 2026 کیتے مختلف نامزدگی کرݨ آلے اداریاں ولوں ملݨ آلیاں سفارشات دا تفصیلی جائزہ ڳھدا ڳیا۔ کمیٹی سماجی بہبود، فلاحی خدمات اتے عوامی خدمت دے شعبیاں اچ نمایاں اتے غیر معمولی خدمات انجام ݙیوݨ آلے افراد دی نامزدگیاں دا مقررہ معیار دے مطابق جائزہ گھدا جو ساریاں نامزدگیاں دا جائزہ منظور شدہ پالیسی، ٹرمز آف ریفرنس اتے مقررہ معیار دے مطابق گھدا ویسی، ڄݙاں جو سفارشات صرف غیر معمولی صلاحیت، دیانتداری اتے قومی سطح تے نمایاں خدمات دی بنیاد تے ٻݨایاں ویسن، ایں سانڳے سارے صوبیاں دی متوازن نمائندگی دے نال نال تریمتیں، اقلیتاں اتے معذور افراد دی مناسب نمائندگی کوں وی یقینی ٻݨایا ونڄے تاں جو قومی یکجہتی، شمولیت اتے مساوی مواقع دے اصولاں کوں ودھارا ݙتا ونڄ سڳے۔ چیئرمین ہدایت کیتی جو نامزدگیاں دی جانچ پڑتال مقررہ معیار دے مطابق تیکھے مکمل کیتی ونڄے تاں جو ذیلی کمیٹی دی سفارشات ویلھے سر مجاز اتھارٹی کوں پیش کیتاں ونج سڳن۔