محسن نقوی دا بوئنگ ہیڈکوارٹرز دا دورہ، پی آئی اے کیتے 16 نویں طیاریاں تے پیش رفت

واشنگٹن۔16جولائی(اے پی پی)وفاقی وزیرِ داخلہ محسن نقوی واشنگٹن اچ بوئنگ کمپنی دے ہیڈکوارٹرز دا دورہ کیتے۔ ایں موقعے تے پی آئی اے دی نویں مینجمنٹ دا وفد وی انھاں دے نال ہا۔ محسن نقوی بوئنگ گلوبل دے صدر برینڈن نیلسن نال ملاقات کیتی، جیںدے اچ پی آئی اے کیتے 16 نویں طیاریاں دی خریداری بارے اہم پیش رفت تھئی۔ ملاقات اچ پی آئی اے کیتے 16 نویں طیاریاں دی خریداری دے بہترین آپشنز تے ڳالھ مہاڑ کیتی ڳئی اتے بہترین ڈیل کوں تیکھے حتمی شکل ݙیوݨ تے اتفاق کیتا ڳیا۔ وفاقی وزیرِ داخلہ پی آئی اے کیتے نویں طیاراں دی تیکھے خریداری اچ تعاون دی یقین دہانی تے بوئنگ گلوبل دے صدر دا شکریہ ادا کیتا اتے طیارہ سازی دی صنعت اچ بوئنگ کمپنی دے کلیدی کردار کوں سراہا۔