ورلڈ آرٹیفیشل انٹیلی جنس کوآپریشن آرگنائزیشن دے قیام دے معاہدے تے 29 ملکاں دستخط کرݙتن

شنگھائی۔17جولائی (اے پی پی) ورلڈ آرٹیفیشل انٹیلی جنس کوآپریشن آرگنائزیشن (WAICO) دے قیام دے معاہدے تے 29 ملکاں دستخط کر ݙتن۔اماراتی نیوز ایجنسی شنہوا دا حوالہ ݙیندیں ݙسایا جو ڈبلیو اے آئی سی او ہک آزاد بین الحکومتی بین الاقوامی تنظیم ہوسی، جیں دا صدر دفتر شنگھائی اچ بݨایا ویسی۔ معاہدے تے دستخط کرݨ آلے 29 ملکاں اچ پاکستان، روس، قازقستان، لاؤس تے انڈونیشیا سودھا ٻئے ملک شامل ہن، جیڑھے تنظیم دے بانی ارکان ہوسن۔معاہدے موجب تنظیم اقوامِ متحدہ دے منشور دے مقصد دی پاسداری، سانجھی مشاورت، سانجھا تعاون تے سانجھے مفاد دے اصولاں دے تحت کم کریسی تے انسانی فلاح کوں آپݨی سرگرمیاں دا محور بݨیسی۔تنظیم دا مقصد مصنوعی ذہانت (AI) دے شعبے اچ بین الاقوامی تعاون تے عالمی نظم و نسق کوں ودھارا ݙیوݨ اے، ایں ڳالھ کوں یقینی بݨاوݨ اے جو مصنوعی ذہانت محفوظ، منصفانہ تے انسانیت کیتے مفید ہووے، تاں جو ایں دی صحت مند تے منظم ترقی توں پوری دنیا فیدہ چا سڳے