وزیراعظم شہباز شریف دا فتنہ الخوارج دے 24 دہشت گرداں کوں ہلاک کرݨ تے سکیورٹی فورسز کوں خراجِ تحسین

اسلام آباد۔17جولائی (اے پی پی) وزیراعظم محمد شہباز شریف بنوں تے نیڑے علاقیں اچ انٹیلی جنس دی بنیاد تے کامیاب کارروائیاں اچ بھارتی حمایت یافتہ فتنہ الخوارج دے 24 دہشت گرداں کوں ہلاک کرݨ تے سکیورٹی فورسز تے قانون نافذ کرݨ آلے اداریں کوں خراجِ تحسین پیش کیتے۔وزیراعظم دفتردے میڈیا ونگ توں جاری بیان موجب وزیراعظم آکھیا جو اڄوکے دہشت گرد حملیں خصوصاً بنوں اچ پولیس تے نشوم شہریاں کوں نشانہ بݨاوݨ آلے بزدلانہ حملیں دے ذمہ وار عناصر دے خلاف سکیورٹی فورسز دی وقتی تے مؤثر کارروائیاں قابلِ ستائش ہن۔ انھاں آکھیا جو پوری قوم آپݨے بہادر جواناں دے نال کھڑی اے۔ انھاں آکھیا جو دہشت گردی دے ناسور تے ایں دے سہولت کاراں دا مکمل خاتمہ حکومت دی اولین ترجیح اے۔وزیراعظم آکھیا جو بھارتی سرپرستی اچ سرگرم دہشت گرد عناصر دے مذموم عزائم کوں ہرقیمت تے ناکام بݨایا ویسی تے ایجھے بزدلانہ حملیں اچ ملوث سارے عناصر کوں قانون دی کچاری اچ گھن آیا ویسی۔