اسلام آباد۔ 17 جولائی (اے پی پی)وفاقی وزیرِ خزانہ و محصولات سینیٹر محمد اورنگزیب دی زیرِ صدارت کیپٹل مارکیٹ ڈویلپمنٹ کونسل (سی ایم ڈی سی) دا اجلاس تھئے جیندے اچ سرمایہ جاتی منڈی دی اصلاحات دے اقدامات دا جائزہ گھدا ڳیا۔ اجلاس اچ بالخصوص پاکستان دی کارپوریٹ قرضہ مارکیٹ دی تیز رفتار ترقی اتے نجی شعبے کیتے طویل مدتی مالی وسائل سانڳے سرمایہ جاتی منڈی دے کردار اتے موجودہ صورتحال …
وزیرِ خزانہ سینیٹر محمد اورنگزیب دی زیرِ صدارت کیپٹل مارکیٹ ڈویلپمنٹ کونسل دا اجلاس
مزید خبراں
اسلام آباد۔ 17 جولائی (اے پی پی)وفاقی وزیرِ خزانہ و محصولات سینیٹر محمد اورنگزیب دی زیرِ صدارت کیپٹل مارکیٹ ڈویلپمنٹ کونسل (سی ایم ڈی سی) دا اجلاس تھئے جیندے اچ سرمایہ جاتی منڈی دی اصلاحات دے اقدامات دا جائزہ گھدا ڳیا۔ اجلاس اچ بالخصوص پاکستان دی کارپوریٹ قرضہ مارکیٹ دی تیز رفتار ترقی اتے نجی شعبے کیتے طویل مدتی مالی وسائل سانڳے سرمایہ جاتی منڈی دے کردار اتے موجودہ صورتحال دا جائزہ گھدا ڳیا۔ وزیرِ خزانہ قرضہ سرمایہ مارکیٹ کوں وسعت ݙیوݨ، بینکاں تے انحصار گھٹ کرݨ، مارکیٹ تے مبنی متنوع مالیاتی ذرائع کوں ودھاوݨ اتے اینڄھے متوازن و مضبوط مالیاتی نظام تے زور ݙتے جیڑھا چھوٹے اتے درمیانے درجے دے کاروبار (ایس ایم ایز) دی لوڑھ کوں پورا کر سڳے۔ اجلاس اچ پاکستان دی مقامی کرنسی نال منسلک بانڈ مارکیٹ دی ترقی دے حوالے نال جاری بیرونی تحقیقی مطالعے دے دائرۂ کار تے شرائطِ کار (ٹی او آرز) تے وی غور کیتا ڳیا۔ اجلاس اچ سیکیورٹیز اینڈ ایکسچینج کمیشن آف پاکستان (ایس ای سی پی) ولوں ٹاپ 100 لسٹڈ کمپنیاں کوں کارپوریٹ قرضہ مارکیٹ تئیں رسائی اچ درپیش مشکلات سانڳے کیتے ڳئے سرویز اتے سٹیک ہولڈرز نال مشاورت دے نتائج دا وی جائزہ گھدا ڳیا۔ اجلاس اچ ایس ای سی پی، پاکستان سٹاک ایکسچینج تے سینٹرل ڈیپازٹری کمپنی (سی ڈی سی) وچال بہتر ہم آہنگی نال کارپوریٹ قرضہ اجرا دے عمل کوں سوکھا ٻݨاوݨ تے وی غور کیتا ڳیا۔ وزیرِ خزانہ ہک ون ونڈو لسٹنگ فریم ورک، معیاری طریقہ کار، مکمل ڈیجیٹل انضمام تے آسان ڈیجیٹل سہولتاں متعارف کراوݨ دی ہدایت ݙتی۔ اجلاس اچ چیئرمین ایس ای سی پی، سٹیٹ بینک آف پاکستان، پاکستان سٹاک ایکسچینج، سینٹرل ڈیپازٹری کمپنی، نیشنل کلیئرنگ کمپنی آف پاکستان لمیٹڈ، پاکستان بینکس ایسوسی ایشن، پاکستان بزنس کونسل، ٹیکس پالیسی آفس تے وزارتِ خزانہ دے سینئر حکام شرکت کیتی۔
