اسلام آباد۔18جولائی (اے پی پی) سکیورٹی فورسز انٹیلی جنس تے مبنی کارروائی توں وانا تے نیڑے دی شہری آبادی کوں ہک ٻہوں وݙی ممکنہ تباہی توں بچا ڳھدے ۔ سکیورٹی فورسز جنوبی وزیرستان لوئر دے علاقے وانا (غواخوا) اچ بارودی مواد نال بھری گاݙی خودکش حملے توں پہلے ہی تباہ کرݙتی اے۔سکیورٹی ذرائع موجب گاݙی اچ موجود دھماکا خیز مواد کہیں ممکنہ وݙے دہشت گرد حملے اچ استعمال کیتا …
سکیورٹی فورسز دی وانا اچ کارروائی، دہشت گردی دی ٻہوں وݙی کوشش ناکام بݨا ݙتی
مزید خبراں
اسلام آباد۔18جولائی (اے پی پی) سکیورٹی فورسز انٹیلی جنس تے مبنی کارروائی توں وانا تے نیڑے دی شہری آبادی کوں ہک ٻہوں وݙی ممکنہ تباہی توں بچا ڳھدے ۔ سکیورٹی فورسز جنوبی وزیرستان لوئر دے علاقے وانا (غواخوا) اچ بارودی مواد نال بھری گاݙی خودکش حملے توں پہلے ہی تباہ کرݙتی اے۔سکیورٹی ذرائع موجب گاݙی اچ موجود دھماکا خیز مواد کہیں ممکنہ وݙے دہشت گرد حملے اچ استعمال کیتا ونڄݨا ہئی، کارروائی دے دوران سکیورٹی فورسز پیشہ ورانہ مہارت توں نشوم شہریاں دی جان و مال دا تحفظ یقینی بݨائے۔ سکیورٹی فورسز خودکش حملے کیتے تیار گاݙی دی مسلسل ترئے ݙینھ نگرانی کیتی تے آبادی توں پرے ونڄݨ تے ہی ایں کوں نشانہ بݨایا۔سکیورٹی ذرائع موجب سکیورٹی فورسز دی کامیاب کارروائی اچ بارود نال بھری گاݙی تے موٹر سائیکل تباہ ڄݙاں جو ہک خارجی جہنم واصل کر ݙتا ڳئے تے 5 دہشت گرد زخمی تھئن ۔ دہشت گردی دے خلاف اے کامیاب کارروائی ایں ڳالھ دا واضح ثبوت اے جو سکیورٹی فورسز امن دشمن عناصر دے خلاف سیسہ پلائی دیوار ہن۔
