سیالکوٹ۔ 18 جولائی (اے پی پی) وفاقی وزیرِ دفاع خواجہ محمد آصف عدالت گڑھا، سیالکوٹ اچ 1984 ملین روپے دی لاڳت نال تعمیر تھیوݨ آلے ہک کلومیٹر طویل فیض احمد فیض فلائی اوور دا افتتاح کر ݙتے۔ ایں موقع تے صوبائی وزیرِ محنت و افرادی قوت پنجاب محمد منشاء اللہ بٹ، رکنِ صوبائی اسمبلی چوہدری فیصل اکرام، ڈپٹی کمشنر سیالکوٹ اویس مشتاق تے ٻئے متعلقہ حکام وی موجود ہن۔افتتاح دے …
وزیرِدفاع خواجہ محمد آصف ہک کلومیٹر طویل فیض احمد فیض فلائی اوور دا افتتاح کرݙتا
مزید خبراں
سیالکوٹ۔ 18 جولائی (اے پی پی) وفاقی وزیرِ دفاع خواجہ محمد آصف عدالت گڑھا، سیالکوٹ اچ 1984 ملین روپے دی لاڳت نال تعمیر تھیوݨ آلے ہک کلومیٹر طویل فیض احمد فیض فلائی اوور دا افتتاح کر ݙتے۔ ایں موقع تے صوبائی وزیرِ محنت و افرادی قوت پنجاب محمد منشاء اللہ بٹ، رکنِ صوبائی اسمبلی چوہدری فیصل اکرام، ڈپٹی کمشنر سیالکوٹ اویس مشتاق تے ٻئے متعلقہ حکام وی موجود ہن۔افتتاح دے بعد میڈیا نال ڳالھ کریندے وزیرِ دفاع خواجہ محمد آصف آکھیا جو اے فلائی اوور شہر تے ایں آبادی کیتے ہک اہم عوامی سہولت ثابت تھیسے، جیں توں ٹریفک دے پراݨے مسئلے گھٹ تھیسن ۔ انھاں آکھیا جو اے منصوبہ اہلِ علاقہ دا پراݨا مطالبہ ہئی جیں دی تکمیل تے وزیراعلی پنجاب مریم نواز شریف دے شکر گزار ایسے۔ خواجہ محمد آصف آکھیا جو سیالکوٹ رنگ روڈ دے پہلے مرحلے تے وقتی کم شروع تھیسے، جیں دے تحت وزیرآباد روڈ، ڈسکہ روڈ، ایمن آباد روڈ تے پسرور روڈ کوں آپت اچ منسلک کیتا ویسی۔ انھاں آکھیا جو انھاں منصوبیں توں شہر اچ انقلابی تبدیلیاں آسن تے وزیراعلی پنجاب مریم نواز شریف معاشی اوکھ دے باوجود ترقیاتی منصوبیں کوں جاری رکھیا ہویا اے ، جیں تے او انھاں دے شکر گزار ہن۔
