وزیراعظم دی قیادت اچ پاکستان ریلوے اصلاحات، جدت تے بہتر سروس ڈیلیوری دی علامت بݨ تے ابھردی پئی اے، محمد حنیف عباسی

اسلام آباد۔19جولائی(اے پی پی) وفاقی وزیرریلوے محمد حنیف عباسی آکھیے جو پاکستان ریلوے اصلاحات دی علامت بݨدی پئی اے، وزیراعظم محمد شہباز شریف دی قیادت اچ جدیدیت تے عوامی خدمت دا نواں باب رقم تھیندا پئے۔ وزارت ریلوے توں جاری بیان اچ وفاقی وزیر آکھیا جو وزیراعظم محمد شہباز شریف دی بصیرت افروز قیادت اچ پاکستان ریلوے اصلاحات، جدت تے بہتر سروس ڈیلیوری دی علامت بݨ تے ابھردی پئی اے، کارکردگی، شفافیت تے عوامی فلاح تے وزیراعظم دے غیر متزلزل عزم ریلوے کوں جدید خطوط تے استوار کرݨ دا رستہ ہموار کیتے تاں جو ہر پاکستانی کوں ایں دا فیدہ پُڄے۔محمد حنیف عباسی وزیراعلیٰ پنجاب دی بھرپور حمایت تے اظہار تشکر کریندیں آکھیا جو انھاں دی “ستھرا پنجاب” مہم دے تحت صوبے دے ریلوے اسٹیشناں تے صفائی تے مسافراں کوں بہتر سہولتاں ݙیوݨ دے نویں معیار قائم کیتے ویندے پئن، وزیر اعلیٰ دے تعاون نال پنجاب دے 8 مصروف ترین ریلوے کوریڈورز کوں جدید ملٹیپل یونٹس دے ذریعے بحال کیتا ویندا پئے۔ وزیر ریلوے آکھیا جو 117 ریلوے پھاٹکاں تے عملے دی تعیناتی توں نہ صرف آپریشنل کارکردگی بہتر تھئی اے بلکہ مسافراں دی سہولت اچ ودھارا تے قیمتی جاناں دا تحفظ وی ممکن تھئے ۔ انھاں آکھیا جو وزیراعلیٰ پنجاب دا تاریخی ریلوے اسٹیشناں ٹیکسلا، راولپنڈی، بھیرہ و لاہور دی بحالی تے تحفظ دا عزم وی قابل تحسین اے۔وفاقی وزیر آکھیا جو ایں اقدام دا مقصد پاکستان دے بھرپور ریلوے ورثے کوں محفوظ رکھیندیں ایں کوں ہک جدید تے ڈیجیٹل مستقبل نال ہم آہنگ کرݨ اے۔ محمد حنیف عباسی آکھیا جو اساں رل تے پاکستان ریلوے کوں جدید بݨاوݨ، قومی رابطیں کوں تکڑا کرݨ، معاشی ترقی اچ معاونت کرݨ تے ہر پاکستانی کوں محفوظ، موثر، سستی تے باوقار ریل سفری سہولت ݙیوݨ کیتے کوشاں رہسوں۔