اسلام آباد۔19جولائی(اے پی پی) وفاقی وزیر صحت مصطفیٰ کمال نال چین دی معروف کمپنی ہواہوائی ہیلتھ دے چیف ایگزیکٹو افسر ملاقات کیتی جیں دوران ہیپاٹائٹس ڈیلٹا وائرس دے مریضاں دے علاج کیتے جاری پیش رفت دا جائزہ ڳھدا ڳیا، ملاقات اچ وفاقی سیکرٹری ہیلتھ اسلم غوری، چیف ایگزیکٹو افسر ڈریپ ڈاکٹر عبید ممتاز، معروف ہیماٹولوجسٹ پروفیسر ڈاکٹر سعید ایس حامد تے کلینیکل ریسرچ دے ماہر سید منورعلی وی موجود ہن۔وزارت …
وفاقی وزیرِ صحت نال چینی کمپنی دے سی ای او دی ملاقات
اسلام آباد۔19جولائی(اے پی پی) وفاقی وزیر صحت مصطفیٰ کمال نال چین دی معروف کمپنی ہواہوائی ہیلتھ دے چیف ایگزیکٹو افسر ملاقات کیتی جیں دوران ہیپاٹائٹس ڈیلٹا وائرس دے مریضاں دے علاج کیتے جاری پیش رفت دا جائزہ ڳھدا ڳیا، ملاقات اچ وفاقی سیکرٹری ہیلتھ اسلم غوری، چیف ایگزیکٹو افسر ڈریپ ڈاکٹر عبید ممتاز، معروف ہیماٹولوجسٹ پروفیسر ڈاکٹر سعید ایس حامد تے کلینیکل ریسرچ دے ماہر سید منورعلی وی موجود ہن۔وزارت قومی صحت توں جاری اعلامیہ موجب ایں موقع تے ہیپاٹائٹس ڈیلٹا وائرس دے مریضاں دے علاج کیتے جاری پیش رفت دا جائزہ ڳھدا ڳیا۔ مصطفیٰ کمال آکھیا جو ہیپاٹائٹس ڈیلٹا وائرس دے علاج متعلق (B2B) معاہدے تے کامیابی نال دستخط کیتے ڳئن، معاہدہ پاکستان اچ جدید تے مقامی سطح تے علاج دی دستیابی دے پاسے اہم سنگِ میل اے ۔ انھاں آکھیا جو پاکستان تے چین وچال اے تاریخی تعاون ہیپاٹائٹس ڈیلٹا دے مریضاں کیتے جدید علاج ݙیوݨ دے پاسے اہم پیش رفت اے۔ وفاقی وزیر آکھیا جو پاکستان اچ اندازاً 10 لکھ توں ودھ لوک ہیپاٹائٹس ڈیلٹا توں متاثر تھی سڳدن، ایں اقدام توں ہیپاٹائٹس ڈیلٹا دے مریضاں کوں جدید و مؤثر علاج تئیں رسائی حاصل تھیسی تے پاکستان دے دواسازی دے شعبے اچ استعداد کار تے بین الاقوامی تعاون کوں وی ودھارا ملسی۔
