اسلام آباد۔19جولائی (اے پی پی) نائب وزیرِاعظم تے وزیرِ خارجہ اسحاق ڈار نال نیشنل پارٹی دے صدر ڈاکٹر عبدالمالک بلوچ پارلیمانی وفد دے رلے ملاقات کیتی جیں دوران بلوچستان کوں درپیش چیلنجز تے ٻئے امور تے ڳالھ مہاڑ کیتی ڳئی ، ملاقات اچ وفاقی وزیربین الصوبائی رابطہ رانا ثناء اللہ خان تے وزیرِاعظم دے معاونِ خصوصی طارق باجوہ وی شریک ہن۔اتوار کوں نائب وزیراعظݨ دے دفتر توں جاری بیان موجب …
نائب وزیرِاعظم نال نیشنل پارٹی دے صدر دی پارلیمانی وفد دے رلے ملاقات
اسلام آباد۔19جولائی (اے پی پی) نائب وزیرِاعظم تے وزیرِ خارجہ اسحاق ڈار نال نیشنل پارٹی دے صدر ڈاکٹر عبدالمالک بلوچ پارلیمانی وفد دے رلے ملاقات کیتی جیں دوران بلوچستان کوں درپیش چیلنجز تے ٻئے امور تے ڳالھ مہاڑ کیتی ڳئی ، ملاقات اچ وفاقی وزیربین الصوبائی رابطہ رانا ثناء اللہ خان تے وزیرِاعظم دے معاونِ خصوصی طارق باجوہ وی شریک ہن۔اتوار کوں نائب وزیراعظݨ دے دفتر توں جاری بیان موجب محمد اسحاق ڈار ایں عزم دا اعادہ کیتا جو وفاق حکومت آئین دے دائرہ کار اچ رہندیں صوبے دے عوام کوں درپیش چیلنجز حل کرݨ تے اقتصادی خوشحالی و چنڳائی/ودھارے کیتے انھاں دی جائز امنگاں کوں پورا کرݨ کیتے پرعزم اے۔ڈاکٹرعبدالمالک بلوچ محمد اسحاق ڈار دا شکریہ ادا کریندیں آکھیا جو نیشنل پارٹی صوبے دے عوام دی چنڳائی/ودھارے تے فلاح و بہبود کیتے ساریں دے نال رل تے کم کرݨ سانڳے تیار اے ۔ انھاں ایں ڳالھ تے وی زور ݙتا جو صوبے اچ سرگرم شرپسنداں کوں بلوچستان دے عوام دی کوئی حمایت حاصل کائنی تے نہ ہی ایں دا کوئی جواز اے۔
