یومِ الحاقِ پاکستان 19 جولائی 1947، کشمیری عوام دے اجتماعی فیصلے دی تاریخی قرارداد ریاست جموں و کشمیر دے مستقبل دا رخ متعین کیتا

اسلام آباد۔19جولائی (اے پی پی) یومِ الحاقِ پاکستان 19 جولائی 1947، کشمیری عوام دے اجتماعی فیصلے دی تاریخی قرارداد ریاست جموں و کشمیر دے مستقبل دا رخ متعین کیتا۔ 19 جولائی 1947 تاریخِ کشمیر دا او یادگار ݙینھ اے ڄݙاں آل جموں و کشمیر مسلم کانفرنس سری نگر اچ قراردادِ الحاقِ پاکستان منظور کرتے ریاست دے مستقبل دا فیصلہ عوام دی مرضی نال کر ݙتا ہئی۔ اے تاریخی قرارداد کشمیری عوام دی اجتماعی سیاسی بصیرت، قومی شعور تے پاکستان نال انھاں دی غیر متزلزل نظریاتی وابستگی دا منہ ٻولیندا ثبوت اے۔سخت ریاستی دٻاؤ دے باوجود کشمیری قیادت دا پاکستان نال الحاق دا فیصلہ عوامی امنگاں دا مظہر اے۔ اے جمہوری فیصلہ نہ صرف کشمیریاں دے حقِ خودارادیت دی قانونی تے اخلاقی بنیاد اے، بلکہ اڄ وی تحریکِ آزادیٔ کشمیر دی روح تے پاکستانی بیانیے دا ساریں توں تکڑا استدلال اے۔ کشمیریاں قیامِ پاکستان توں پہلے ہی آپݨی سیاسی بصیرت نال مستقبل دا رُخ متعین کر ݙتا ہئی۔ریاست دا الحاق کہیں فردِ واحد دی صوابدید کائنی، کشمیری عوام دا بنیادی حق قرار پاتا۔ 19 جولائی دی قرارداد مسئلہ کشمیر تے پاکستان دے قانونی تے اخلاقی مؤقف دی بنیاد اے۔ 19 جولائی دا فیصلہ کشمیریاں دے قومی تشخص تے نظریاتی وابستگی دی زندہ علامت اے۔