آزاد کشمیر دا الیکشن کشمیر کاز دے نال محبت دا الیکشن اے، اے تاریخ رقم کریسی، خواجہ محمد آصف

سیالکوٹ۔ 19 جولائی (اے پی پی) وزیر دفاع خواجہ محمد آصف آکھیے جو آزاد کشمیر اچ اے الیکشن تاریخ رقم کریسی، اے کشمیر کاز دے نال محبت دا الیکشن اے، اے الیکشن کشمیریاں دے شہدا دے خون دا حق منگدا پئے، اے کشمیریاں دے حقوق دی حفاظت دا الیکشن اے۔ ایل اے 36 جموں 3 سیالکوٹ دے کارکناں توں خطاب کریندیں وزیر دفاع آکھیا جو اڄ اساں سارے ہک پلیٹ فارم تے کٹھے تھیوں ، بچپن توں کشمیر دے ٻہوں الیکشن ݙٹھن، جیں پس منظر اچ اڄ الیکشن تھیندے پئن ایں توں پہلے ایجھے ماحول اچ الیکشن کائنی تھئے، پاکستان تے کشمیر دے لازوال رشتے کوں چیلنج کیتا ویندا پئے۔وزیر دفاع آکھیا جو میں بنیادی طور تے کشمیری ہاں لیکن جنھاں ݙو لکھ جاناں دے نذرانے ݙتے انھاں دی خاک دے برابر کائنی ، کشمیری مہاجرین دی قدر و قیمت ٻہوں زیادہ اے، جے میں کہیں جاہ دا موازنہ کیتے او ایں کیتے جو کشمیری عوام ویلی اچ پاکستان دا پرچم چا تے پاکستان دا نعرہ لیندے پئن، انھاں دا اعلیٰ مقام اے جنھاں خون ݙتا انھاں دا مقام اے، اسکوں انھاں جاناں دے نذرانیں توں آزادی ملی اے جنھاں خون وہائے۔ خواجہ محمد آصف آکھیا جو کشمیر کیتے، جنھاں دے ہتھاں اچ سرینگر اچ پاکستانی پرچم اے انھاں کوں اندازہ اے جو ایں دی قیمت کیا ادا کرݨی پوسی، او جیلاں اچ زندگی گزریندے پئن، کشمیری تریمتاں جیل کٹیندیاں پئن۔خواجہ آصف آکھیا جو بجوات اچ سرحد تے ٻیٹھا جموں دا مہاجر کشمیر اچ ٻیٹھے توں کتھائیں بہتر اے، میں کہیں کوں خوش کرݨ کیتے کوڑ نی ٻولیندا، لندن اچ ٻیٹھے کجھ کشمیری پاکستان تے پاک افواج کوں مندے ݙیندن ۔ انھاں آکھیا جو پاکستان دی سینہ تان تے حفاظت کریندن ایں دی عزت کرن، اسکوں آکھیا ویندا پئے اڄ اساں پاݨی دی جنگ لڑدے پیوں ، اساکوں تاں پاݨی بھارت توں آندے ، اوکھے ویلھے جیڑھا رلے تھیوےیں کوں ساری زندگی یاد رکھیندوں، اساں تاں ہر چیز انھاں دے ناں کر ݙتی اے، سیالکوٹ دی تاریخ جموں دے مہاجرین ایں سر زمین تے رقم کیتی ۔ وزیر دفاع آکھیا جو کوئی قربانیاں نال رشتہ بݨیندے تے کوئی گھر ٻہہ تے بݨیندے۔ خواجہ آصف آکھیا جو ساݙی فوج کوں مندا کڈھیا ویندے جیں گزریل ݙو چار سالاں اچ چار ہزار توں ودھ قربانیاں ݙتن۔ انھاں آکھیا جو ایران تے امریکا دی جنگ اچ پاکستان دا نام ثالث دی حیثیت توں باوقار کردار دی بݨا تے ہر تھوڑی دیر بعد ٹی وی تے نظر آندے ، فیلڈ مارشل دا رشتہ وطن نال محبت اے. انھاں دا آکھݨ ہئی جو ساݙے شہدا تے غازیاں کوں سلام اے جنھاں وطن دی عزت رکھی۔وزیر دفاع آپݨے خطاب اچ آکھیا جو قائد اعظم آکھیا ہئی کشمیر ساݙی شہہ رڳ اے، اے محض نعرہ کائنا ہئی بلکہ ݙو قومی نظریے دی بنیاد ہئی۔