کشمیری عوام 19 جولائی 1947 دی تاریخ دا سنہری باب اے، وفاق وزیر پارلیمانی امور ڈاکٹر طارق فضل چوہدری

اسلام آباد۔19جولائی(اے پی پی) وفاقی وزیر پارلیمانی امور ڈاکٹر طارق فضل چوہدری یوم الحاق پاکستان دے موقع تے آپݨے پیغام اچ آکھیے جو 19 جولائی 1947 کشمیری عوام دی تاریخ دا سنہری باب اے، کشمیریاں آپݨی اجتماعی امنگاں دا اظہار کریندیں پاکستان دے نال الحاق دی تاریخی قرارداد منظور کیتی ہئی۔ جاری آپݨے پیغام اچ انھاں آکھیا جو کشمیر تے پاکستان دا رشتہ محض جغرافیے دا کائنی بلکہ سانجھی تاریخ، ثقافت تے مذہب تے مبنی اے۔ ڈاکٹر طارق فضل چوہدری آکھیا جو کشمیر تے پاکستان دا تعلق عوامی خواہشات دا آئینہ دار اے، کشمیری عوام ݙہاکیں توں بے شمار قربانیاں ݙے تے حقِ خودارادیت دی جدوجہد کوں زندہ رکھیا ہویا اے۔ انھاں آکھیا جو بھارتی جبر و استبداد دے باوجود کشمیریاں دا عزم تے آزادی دی خواہش غیر متزلزل اے۔وفاقی وزیر آکھیا جو پاکستان ہمیشہ کشمیری عوام دے جائز حقِ خودارادیت دی اخلاقی، سیاسی تے سفارتی حمایت جاری رکھیسی، پاکستان اقوامِ متحدہ دی قرارداداں موجب مسئلہ کشمیر دے منصفانہ تے پائیدار حل دا حامی اے۔ ڈاکٹر طارق فضل چوہدری آکھیا جو یومِ الحاقِ پاکستان تے کشمیری بھرا تے بھیݨاں دی لازوال قربانیاں کوں سلام پیش کریندوں، کشمیریاں دے حقِ خودارادیت کیتے پاکستان آپݨی غیر متزلزل حمایت دا اعادہ کریندے۔