ڈی جی آئی ایس پی آر دی سمرکیمپ 2026 اچ شریک طلباء و طالبات دے نال خصوصی نشست، قومی سلامتی، دہشت گردی تے پیش آندے چیلنجز تے روشنی پاتی

اسلام آباد۔19جولائی (اے پی پی) ڈی جی آئی ایس پی آر سمرکیمپ 2026 اچ شریک طلبا و طالبات دے نال خصوصی نشست کیتی، ایں اچ پاکستان بھر دے 18 توں ودھ شہراں دے نوویں توں ٻارہویں جماعت دے 4 ہزار ودھ طالبیں شرکت کیتی ۔ڈی جی آئی ایس پی آر خصوصی نشست اچ قومی سلامتی، دہشت گردی تے درپیش چیلنجز تے تفصیلی روشنی پاتی۔سمرکیمپ 2026 اچ شرکت کرݨ آلے طالبیں دا آکھݨ ہئی جو اساکوں پاکستان کوں درپیش داخلی و ٻاہرلے سیکیورٹی چیلنجز متعلق مؤثر آگاہی ملی اے۔ انھاں دا آکھݨ ہئی جو انھاں کوں بلوچستان اچ بھارتی پراکسی فتنہ الہندوستان تے فتنہ الخوارج دی دہشت گردی دے ناپاک کردار متعلق وی ݙسایا ڳیا۔ طلبا و طالبات ایں ڳالھ تے زور ݙتا جو موجودہ دور اچ غلط معلومات تے پراپیگنڈا تکھے کھنڈدا پئے جیں متعلق آگاہی ضروری اے۔سمرکیمپ اچ شریک طلبہ ایں عزم دا اظہار کیتا جو دہشت گردی دے خلاف پوری قوم افواج دے رلے کھڑی اے۔ آئی ایس پی آر توں سمرکیمپ دا انعقاد نینگراں اچ قومی شعور دی بیداری تے صلاحیتاں کوں نکھارݨ کیتے اہم ترین پیشرفت اے۔