اسلام آباد /لاہور۔19جولائی (اے پی پی) وفاقی وزیر منصوبہ بندی، ترقی و خصوصی اقدامات پروفیسر احسن اقبال آکھیے جو چین ہر سال 3 لکھ پاکستانی نینگراں کوں ڈیجیٹل سکلز دی تربیت ݙیسی جیں توں ملک اچ ٹیکنالوجی تے نالج اکانومی کوں مزید ودھارا ملسی۔ وفاقی وزیر آکھیے جو پاکستان فری لانسنگ دے شعبے اچ دنیا دا چوتھا وݙا ملک بݨ چکئے تے نینگر دیاں صلاحیتاں ملک دی ڈیجیٹل معیشت تے …
چین ہر سال 3 لکھ پاکستانی نینگراں کوں ڈیجیٹل سکلز دی تربیت ݙیسی، پروفیسر احسن اقبال
اسلام آباد /لاہور۔19جولائی (اے پی پی) وفاقی وزیر منصوبہ بندی، ترقی و خصوصی اقدامات پروفیسر احسن اقبال آکھیے جو چین ہر سال 3 لکھ پاکستانی نینگراں کوں ڈیجیٹل سکلز دی تربیت ݙیسی جیں توں ملک اچ ٹیکنالوجی تے نالج اکانومی کوں مزید ودھارا ملسی۔ وفاقی وزیر آکھیے جو پاکستان فری لانسنگ دے شعبے اچ دنیا دا چوتھا وݙا ملک بݨ چکئے تے نینگر دیاں صلاحیتاں ملک دی ڈیجیٹل معیشت تے برآمدات اچ ودھارے دا اہم ذریعہ ہن۔ انھاں زور ݙتا جو فری لانسرز تے آئی ٹی پروفیشنلز مصنوعی ذہانت تے جدید ٹیکنالوجیز توں خود کوں ہم آہنگ کرن تاں جو عالمی منڈی اچ آپݨی مسابقت برقرار رکھ سڳن۔اے ڳالھ انہاں لاہور چیمبر دے زیراہتمام منعقدہ تریجھے آئی ٹی فری لانسنگ ایوارڈز 2026 دی تقریب دے دوران صدر لاہور چیمبر فہیم الرحمٰن سہگل کوں آکھی۔ پروفیسراحسن اقبال آکھیا جو جدید دور اچ کامیابی کیتے وݙے دفتر یا باری سرمایہ کاری دی لوڑھ کائنی بلکہ علم، ہنر تے ٹیکنالوجی تئیں رسائی ہی اصل سرمایہ اے۔ انھاں آکھیا جو پاکستانی نینگر دنیا دے کلائنٹس کوں خدمات ݙے تے نہ صرف آپݨی صلاحیتاں دا لوہا منوایندے پئن بلکہ ملک کیتے قیمتی زرمبادلہ وی کمیندے پئن۔
