اسلام آباد۔20جولائی(اے پی پی) کینیڈا دی وزیر خارجہ انیتا آنند وزارت داخلہ دا دورہ کیتا تے وفاقی وزیرداخلہ محسن نقوی نال تفصیلی ملاقات کیتی۔ ملاقات اچ پاک کینیڈا تعلقات، تجارت، سکیورٹی تے رابطے ودھاوݨ سودھے خطے دی تازہ ترین صورتحال تے ڳالھ مہاڑ کیتی ڳئی۔ ایں موقع تے وزیر مملکت داخلہ طلال چوہدری، کینیڈین ہائی کمشنر، ڈائریکٹر جنرل وفاقی تحقیقاتی ادارہ (ڈی جی ایف آئی اے) تے ایڈیشنل سیکرٹریز داخلہ …
کینیڈین وزیرخارجہ انیتا آنند دی وزارت داخلہ آمد، محسن نقوی نال ملاقات
اسلام آباد۔20جولائی(اے پی پی) کینیڈا دی وزیر خارجہ انیتا آنند وزارت داخلہ دا دورہ کیتا تے وفاقی وزیرداخلہ محسن نقوی نال تفصیلی ملاقات کیتی۔ ملاقات اچ پاک کینیڈا تعلقات، تجارت، سکیورٹی تے رابطے ودھاوݨ سودھے خطے دی تازہ ترین صورتحال تے ڳالھ مہاڑ کیتی ڳئی۔ ایں موقع تے وزیر مملکت داخلہ طلال چوہدری، کینیڈین ہائی کمشنر، ڈائریکٹر جنرل وفاقی تحقیقاتی ادارہ (ڈی جی ایف آئی اے) تے ایڈیشنل سیکرٹریز داخلہ سودھے ٻئے اعلیٰ حکام وی موجود ہن۔ملاقات دے دوران غیر قانونی امیگریشن، انسانی سمگلنگ تے سائبر کرائمز روکݨ کیتے مشترکہ اقدامات تے قانون نافذ کرݨ آلے اداریں دے افسران کیتے ٹریننگ و ایکس چینج پروگرامز شروع کرݨ تے تفصیلی ڳالھ تھئی ۔ ݙوہیں وزراء ݙوطرفہ تعاون کوں مزید مستحکم تے فعال بݨاوݨ کیتے ہک مفاہمت دی یادداشت (ایم او یو) تے وقتی دستخط کرݨ تے اتفاق کیتا۔وزیر داخلہ محسن نقوی ڳالھ کریندے آکھیا جو پاکستان کینیڈا دے نال سارے شعبیں اچ آپݨے تعلقات کوں ودھارا ݙیوݨ چاہندے تے کینیڈا اچ پاکستانی کمیونٹی ݙوہیں ملکاں دی ترقی اچ انتہائی فعال تے مثبت کردار ادا کریندی پئی اے۔ وزیر مملکت طلال چوہدری دا آکھݨ ہئی جو کینیڈا دے نال مشترکہ مفادات دے شعبیں اچ اشتراک ودھاوݨ دے معاہدے توں ݙوطرفہ تعلقات کوں نویں جلا ملسی۔ کینیڈین وزیر خارجہ انیتا آنند پاکستان دے نال آپݨے ملک دے تعلقات کوں اہمیت دا حامل قرار ݙیندیں آکھیا جو کینیڈا پاکستان دے نال ݙوطرفہ تعلقات کوں مزید وسعت ݙیوݨ چاہندے تے ایں سانجھے تعاون کوں مزید منظم کرݨ کیتے ہک جامع فریم ورک بݨایا ونڄݨا چاہیدے۔
