راولپنڈی۔ 20 جولائی(اے پی پی)کینیڈا دی وزیر خارجہ انیتا آنند جنرل ہیڈکوارٹرز (جی ایچ کیو) راولپنڈی اچ فیلڈ مارشل سید عاصم منیر نال ملاقات کیتی۔ انہاں باہمی دلچسپی دے امور، علاقائی سلامتی اتے پاکستان و کینیڈا دے ݙوطرفہ تعلقات تے ڳالھ مہاڑ کیتی۔ پاک فوج دے شعبہ تعلقات عامہ (آئی ایس پی آر) دے مطابق ملاقات اچ فیلڈ مارشل سید عاصم منیر عالمی امن اتے علاقائی استحکام سانڳے پاکستان دا …
کینیڈین وزیر خارجہ انیتا آنند دی جی ایچ کیو اچ فیلڈ مارشل سید عاصم منیر نال ملاقات
راولپنڈی۔ 20 جولائی(اے پی پی)کینیڈا دی وزیر خارجہ انیتا آنند جنرل ہیڈکوارٹرز (جی ایچ کیو) راولپنڈی اچ فیلڈ مارشل سید عاصم منیر نال ملاقات کیتی۔ انہاں باہمی دلچسپی دے امور، علاقائی سلامتی اتے پاکستان و کینیڈا دے ݙوطرفہ تعلقات تے ڳالھ مہاڑ کیتی۔ پاک فوج دے شعبہ تعلقات عامہ (آئی ایس پی آر) دے مطابق ملاقات اچ فیلڈ مارشل سید عاصم منیر عالمی امن اتے علاقائی استحکام سانڳے پاکستان دا مؤقف اڳونہا کریندے آکھیا جو مشترکہ سکیورٹی چیلنجز نال نمٹݨ کیتے باہمی تعاون اتے مربوط کوششاں ٻہوں ضروری ہین۔ آئی ایس پی آر دے مطابق فیلڈ مارشل دہشت گردی سودھا ٻئے مشترکہ خطرات نال مؤثر انداز اچ نمٹݨ کیتے پاکستان اتے کینیڈا وچال تعاون کوں ٻیا تکڑا کرݨ تے زور ݙتے۔ کینیڈا دی وزیر خارجہ انیتا آنند دہشت گردی دے خلاف جنگ اچ پاکستان دیاں مسلسل کوششاں، قربانیاں اتے کردار کوں سراہندے خطے اچ امن و استحکام دے ودھارے کیتے پاکستان دیاں تعمیری کوششاں دی وی تعریف کیتی۔ آئی ایس پی آر دے مطابق ملاقات اچ ݙوہیں فریقین پاکستان اتے کینیڈا وچال ݙوطرفہ تعلقات ٻئے ودھاوݨ، دفاعی تعاون اتے سکیورٹی دے شعبیاں اچ روابط کوں وسعت ݙیوݨ دے عزم دوہرایا۔ ایں ملاقات کوں ݙوہیں ملکاں وچال باہمی اعتماد، تعاون اتے علاقائی امن دے ودھارے کیتے ہک اہم پیش رفت قرار ݙتا ویندا پئے۔
