اسلام آباد۔ 20 جولائی(اے پی پی)ایران دے وزیر داخلہ اسکندر مومنی اعلیٰ سطح وفد نال پاکستان پڄ ڳئن، جتھاں وفاقی وزیر داخلہ محسن نقوی انھاں دا استقبال کیتے۔ ایں سانڳے استقبالی تقریب اچ وزیر مملکت برائے داخلہ طلال چوہدری معزز مہمان کوں گلدستہ پیش کیتے ڄݙاں جو پاکستان اچ تعینات ایرانی سفیر رضا امیری مقدم وی ایں موقع تے موجود ہن۔ وزیر داخلہ محسن نقوی ایرانی ہم منصب دا خیرمقدم …
ایران دے وزیر داخلہ اسکندر مومنی پاکستان پڄ ڳئن
اسلام آباد۔ 20 جولائی(اے پی پی)ایران دے وزیر داخلہ اسکندر مومنی اعلیٰ سطح وفد نال پاکستان پڄ ڳئن، جتھاں وفاقی وزیر داخلہ محسن نقوی انھاں دا استقبال کیتے۔ ایں سانڳے استقبالی تقریب اچ وزیر مملکت برائے داخلہ طلال چوہدری معزز مہمان کوں گلدستہ پیش کیتے ڄݙاں جو پاکستان اچ تعینات ایرانی سفیر رضا امیری مقدم وی ایں موقع تے موجود ہن۔ وزیر داخلہ محسن نقوی ایرانی ہم منصب دا خیرمقدم کریندے آکھیا، “پاکستان آوݨ تے آپݨے ٻھرا کوں خوش آمدید آھداں۔” انھاں امید کیتی جو ایرانی وزیر داخلہ اسکندر مومنی آپݨے دورہِ پاکستان اچ خوش آئند پیش رفت دی نوید گھن آسن۔ محسن نقوی آکھیا جو اسکندر مومنی دے دورۂ پاکستان نال ݙوہیں برادر ممالک وچال ݙوطرفہ تعلقات مزید مضبوط تھیسن اتے مختلف شعبیاں اچ تعاون کوں نویں راہ ملسی۔ انہاں امید کیتی جو انہاں ملاقاتاں اچ خطے دی موجودہ صورتحال اتے باہمی دلچسپی دے اہم علاقائی امور تے مثبت پیش رفت تھیسی تاں جو پاکستان اتے ایران وچال تعاون اتے روابط ٻئے مستحکم تھیسن۔
