پیپلزپارٹی دی لیڈرشپ ساݙے کیتے قابلِ احترام اے، ڈاکٹر طارق فضل چوہدری

اسلام آباد۔21جولائی(اے پی پی) وفاقی وزیر پارلیمانی امور ڈاکٹر طارق فضل چوہدری آکھیا جو پیپلزپارٹی مرکز اچ ساݙی اتحادی جماعت اے تے انھاں دی لیڈرشپ ساݙے کیتے قابلِ احترام اے، تاں جو پیپلزپارٹی دے کجھ رہنما جلسیں اچ مسلم لیگ (ن) دے خلاف بیانات ݙیندیں اے ڳالھ بھلدے پئن جو آزاد کشمیر اچ انھاں دی آپݨی حکومت اے۔ ہک بیان اچ انھاں آکھیا جو آزاد کشمیر اچ مسلم لیگ (ن) تے پیپلزپارٹی ہک ݙوجھے دے خلاف الیکشن لڑدے پئن۔ انھاں آکھیا جو وزیراعظم محمد شہباز شریف ہمیشہ آزاد کشمیر دے مسئلیں دا نوٹس ڳھدا تے انھاں دی ہدایت تے وزراء دی ٹیم آزاد کشمیر دا دورہ کیتا تے مسئلے پرامن طریقے نال حل کیتے، 27 ستمبر 2025 کوں اساں مظفرآباد دا دورہ کیتا، 3 اکتوبر 2025 کوں آزاد کشمیر دے مسئلے دے حل کیتے معاہدے تے دستخط تھئے۔انھاں دا آکھݨ ہئی جو معاہدہ طے پاوݨ دے بعد وزیراعظم وفاقی وزراء تے پیپلزپارٹی دی قیادت کوں سݙ تے مشاورت کیتی تے وزیرِ خزانہ کوں ہدایت کیتی جو آزاد کشمیر دی ترقی کیتے جتنی رقم چاہیدی اے ݙتی ونڄے۔ انھاں آکھیا جو اساں آزاد کشمیر دے مسئلیں دے حل کیتے 35 نکات تے عملدرآمد یقینی بݨایا، 30 مئی 2026 کوں وی وزیراعظم دی ہدایت تے اساں مظفرآباد اچ ٻہہ تے مذاکرات کیتے، اساں برملا آکھیا جو کشمیر متعلق ہر مسئلے دا حل کشمیریاں آپ کڈھݨا اے، کشمیری عوام جو وی فیصلہ کریسن ایں اچ وفاقی حکومت انھاں دے نال کھڑی ہوسی۔ڈاکٹر طارق فضل چوہدری آکھیا جو پیپلزپارٹی دے جلسے اچ کشمیریاں دے فیصلے دی جیڑھی ڳالھ کیتی ڳئی او دراصل ساݙے ہی موقف دی تائید اے، آزاد کشمیر اچ پیپلزپارٹی دی حکومت اے تے اتھاں دے وزیراعظم فیصل راٹھور دے اقدامات کوں وفاق سپورٹ کیتا۔ انھاں آکھیا جو وفاقی حکومت آپݨے مثبت کردار توں کݙاہیں پیچھوں نہ ہٹسی۔ سیاسی مقبولیت کیتے کشمیراچ کہیں قسم دی تفریق یا تفرقہ بازی کھنڈاوݨ دے حق اچ نئی۔ انھاں دا آکھݨ ہئی جو ساکوں آزاد کشمیر اچ اتحاد، یکجہتی تے امن چاہیدے، مسلم لیگ (ن) دی قیادت ہک پھلدا پُھلدا تے پرامن کشمیر ݙیکھݨ چاہندی اے، کشمیر پاکستان دے ہر شہری دے دل اچ وسدے