اسلام آباد۔28جولائی (اے پی پی) صدرِ مملکت آصف علی زرداری فرانس تے سپین دے جنگلاں اچ آتشزدگی تے ݙکھ دا اظہار کریندیں ہوئیں ایں دے نتیجے اچ قیمتی جاناں دے ضیان تے تباہی تے افسوس دا اظہار کیتے۔ ایوانِ صدر دے پریس ونگ توں منگل کوں جاری بیان دے مطابق صدرِ مملکت متاثرہ خانداناں نال دلی تعزیت تے ہمدردی دا اظہار کیتا۔ صدر آصف علی زرداری آکھیا جو پاکستان فرانس …
صدرِ مملکت دا فرانس تے سپین دے جنگلاں اچ ٻھاہ نال قیمتی جاناں دے ضیان تے افسوس
مزید خبراں
اسلام آباد۔28جولائی (اے پی پی) صدرِ مملکت آصف علی زرداری فرانس تے سپین دے جنگلاں اچ آتشزدگی تے ݙکھ دا اظہار کریندیں ہوئیں ایں دے نتیجے اچ قیمتی جاناں دے ضیان تے تباہی تے افسوس دا اظہار کیتے۔ ایوانِ صدر دے پریس ونگ توں منگل کوں جاری بیان دے مطابق صدرِ مملکت متاثرہ خانداناں نال دلی تعزیت تے ہمدردی دا اظہار کیتا۔ صدر آصف علی زرداری آکھیا جو پاکستان فرانس تے سپین دی حکومتاں تے عوام دے نال یکجہتی دا اظہار کریندے۔ انھاں فائر فائٹرز تے امدادی کارکناں کوں خراجِ تحسین پیش کریندیں ہوئیں آکھیا جو موسمیاتی تبدیلی پوری انسانیت کیتے مشترکہ چیلنج اے۔ صدرِ مملکت آکھیا جو پاکستان وی موسمیاتی تبدیلی دے تباہ کن اثرات توں شدید متاثرہ ملکاں اچ شامل اے۔ انھاں آکھیا جو مشترکہ چیلنجز نال نبڑݨ کیتے عالمی یکجہتی تے اجتماعی کوششاں ضروری ہن۔
