وفاقی وزیرِ تجارت دی 11 ویں بیلٹ اینڈ روڈ سمٹ دی افتتاحی تقریب اچ شرکت، ہانگ کانگ اچ علاقائی رہنماواں نال ملاقاتاں

ہانگ کانگ۔ 09 ستمبر(اے پی پی) وفاقی وزیرِ تجارت جام کمال خان ہانگ کانگ اچ منعقدہ 11 ویں بیلٹ اینڈ روڈ سمٹ دی افتتاحی تقریب اچ شرکت کیتی۔ اتھاں جاری اعلامیہ موجب سمٹ اچ بیلٹ اینڈ روڈ انیشی ایٹو (بی آر آئی) دے شراکت دار ملکاں دے اعلیٰ سیاسی رہنماواں، وزراء، سفارت کاراں، کاروباری شخصتات تے نمائندیں شرکت کیتی۔ افتتاحی تقریب توں پہلے وفاقی وزیرِتجارت ہانگ کانگ دے خصوصی انتظامی علاقے دے چیف ایگزیکٹو جان لی دی طرفوں ݙتے ڳئے استقبالیہ عشائیے اچ شرکت کیتی۔ استقبالیہ اچ ازبکستان، قازقستان، سری لنکا تے بنگلہ دیش دے وزراء، لائوس دے نائب وزیرِ اعظم، چین دے نائب وزیرِ تجارت، ہانگ کانگ دے چیف ایگزیکٹو تے اعلیٰ حکام سودھے اعلیٰ شخصیات، سفارت کاراں تے کاروباری رہنماواں شرکت کیتی۔ تقریب دے دوران جام کمال خان مختلف وزراء تے معزز شخصیات نال تفصیلی ملاقاتاں تے ڳالھ مہاڑ کیتی۔ ایں موقع تے بیلٹ اینڈ روڈ انیشی ایٹو، علاقائی رابطے، تجارتی تعاون تے اقتصادی و عالمی معیشت دی ترقی کیتے ایں دے وسیع تر فیدے تے ڳالھ مہاڑ کیتی ڳئی ۔ وفاقی وزیر چیف ایگزیکٹو جان لی نال وی خوشگوار ماحول اچ ملاقات کیتی جݙاں جو چین دے نائب وزیرِ تجارت، بنگلہ دیش دے وزیرِ تجارت، سری لنکا دے وزیرِ تجارت و صنعت تے ٻئے شریک ملکاں دے رہنماواں نال وی ڳالھ کیتی۔ 11 ویں بیلٹ اینڈ روڈ سمٹ دی باضابطہ افتتاحی تقریب نال خطاب کریندے ہانگ کانگ دے چیف ایگزیکٹو جان لی رابطے دے ودھارے، اقتصادی موقع اچ توسیع تے شریک معیشتاں وچال تعاون دے استحکام اچ بیلٹ اینڈ روڈ انیشی ایٹو دی اہمیت کوں اجاگر کیتا۔ افتتاحی سیشن نال ازبکستان دے وزیرِاعظم، یوراگوئے دے نائب صدر تے لائوس دے نائب وزیرِاعظم وی خطاب کیتا۔ مقررین بیلٹ اینڈ روڈ فریم ورک دے تحت تعاون، تجارت و سرمایہ کاری دے ودھارے، تکڑے علاقائی رابطے تے مشترکہ اقتصادی ترقی دی اہمیت کوں اجاگر کیتا۔