سپیکرسردار ایاز صادق دا بلوچستان اچ کامیاب کارروائیاں دے دوران 11 دہشت گرداں کوں جہنم واصل کرݨ تے سکیورٹی فورسز کوں خراجِ تحسین

اسلام آباد۔ 08 ستمبر (اے پی پی) سپیکر قومی اسمبلی سردار ایاز صادق بلوچستان اچ کامیاب کارروائیاں دے دوران 11 دہشت گرداں کوں جہنم واصل کرݨ تے سکیورٹی فورسز کوں خراجِ تحسین پیش کیتا۔ آپݨے پیغام اچ انہاں سکیورٹی فورسز دیاں پیشہ وارانہ صلاحیتاں دی تعریف کیتی تے آکھیا جو دہشت گردی دے خلاف سکیورٹی فورسز دی پیشہ وارانہ مہارت تے صلاحیتاں تے قوم کوں ماݨ اے، غیر ملکی سرپرستی اچ تھیوݨ آلی دہشت گردی مکاوݨ کیتے قانون نافذ کرݨ آلے اداریں دا عزم قابلِ ستائش اے۔ انہاں آکھیا جو عزمِ استحکام دے تحت دہشت گردی دے خلاف کارروائیاں قابلِ ستائش ہن، پوری قوم دہشت گردی دے خلاف جنگ اچ سکیورٹی فورسز رلے کھڑی اے۔