اسلام آباد۔24 ستمبر (اے پی پی) وفاقی دارالحکومت اچ گزریل 15 سال توں التوا دا شکار اسلام آباد ماڈل جیل منصوبہ بالآخر تکمیل دے نیڑے پڄ ڳئے تے حکومت آندے مہینے ایں دا باضابطہ افتتاح کرݨ دا فیصلہ کیتے۔وزارتِ داخلہ توں جاری بیان موجب اے فیصلہ وفاقی وزیر داخلہ محسن نقوی تے وزیر مملکت داخلہ طلال چوہدری دی زیر صدارت منعقدہ اجلاس اچ کیتا ڳئے۔ اجلاس اچ ماڈل جیل منصوبے …
وفاقی وزیر داخلہ دی صدارت اچ اجلاس، اسلام آباد ماڈل جیل منصوبے دے باقی ماندہ تعمیراتی و انتظامی امور دا جائزہ
مزید خبراں
اسلام آباد۔24 ستمبر (اے پی پی) وفاقی دارالحکومت اچ گزریل 15 سال توں التوا دا شکار اسلام آباد ماڈل جیل منصوبہ بالآخر تکمیل دے نیڑے پڄ ڳئے تے حکومت آندے مہینے ایں دا باضابطہ افتتاح کرݨ دا فیصلہ کیتے۔وزارتِ داخلہ توں جاری بیان موجب اے فیصلہ وفاقی وزیر داخلہ محسن نقوی تے وزیر مملکت داخلہ طلال چوہدری دی زیر صدارت منعقدہ اجلاس اچ کیتا ڳئے۔ اجلاس اچ ماڈل جیل منصوبے تے جاری ترقیاتی کماں، باقی ماندہ تعمیراتی و انتظامی امور تے افتتاح متعلق تیاریاں دا تفصیلی جائزہ ڳھدا ڳیا۔وفاقی وزیر داخلہ محسن نقوی متعلقہ حکام کوں ہدایت کیتی جو منصوبے دے سارے بقایا کم وقتی نبیڑئے ونڄن تاں جو اڳلے مہینے ایں دا باقاعدہ افتتاح ممکن بݨایا ونڄ سڳے۔ انہاں واضح کیتا جو ݙڈھ ݙھاکے توں تاخیر دا شکار ایں اہم منصوبے دی تکمیل اچ ہݨ مزید تاخیر دی ہرگز کوئی گنجائش کائنی۔ وفاقی وزیر سارے متعلقہ اداریں کوں سانجھا رابطہ مزید موثر بݨاوݨ دا حکم ݙیندے آکھیا جو افتتاح توں پہلے تعمیراتی تے انتظامی امور سودھے سارے لوازمات ہر صورت مکمل کیتے ونڄن تے کہیں وی سطح تے غیر ضروری سستی برداشت نہ کیتی ویسے۔ایں موقع تے وزیر مملکت داخلہ طلال چوہدری ݙسایا جو او ماڈل جیل منصوبے دی تکمیل دے عمل دی ذاتی طور تے نگرانی کریندے پئن تے پیش رفت دا جائزہ گھنݨ کیتے ہفتہ وار بنیاداں تے خود سائٹ دا دورہ وی کریندن۔اجلاس اچ ڈائریکٹر جنرل فیڈرل انویسٹی گیشن ایجنسی (ایف آئی اے)، فیڈرل پراسیکیوٹر جنرل، انسپکٹر جنرل (آئی جی) اسلام آباد پولیس، ڈائریکٹر جنرل نیشنل سائبر کرائم انویسٹی گیشن ایجنسی (این سی سی آئی اے) سودھے ٻئے اعلیٰ سول و پولیس افسراں شرکت کیتی۔
