اسلام آباد۔24 ستمبر (اے پی پی) وفاقی وزیر منصوبہ بندی، ترقی و خصوصی اقدامات پروفیسر احسن اقبال آکھیے جو پاکستان دی ترقی تے خوشحالی اچ تریمتاں دا معاشی و سماجی کردار ٻہوں اہم اے، تریمتاں کوں بااختیار بݨا تے ہی ملک کوں پائیدار ترقی دے رستے تے ٹوریا ونڄ سڳدے۔اپݨے پیغام اچ انہاں آکھیا جو اپݨے ملک دیاں تریمتاں کوں فرنٹ لائن تے سکیورٹی دیاں ذمہ واریاں نبھیندے ݙیکھ …
تریمتاں کوں اڳوں ودھݨ دے برابر موقع ݙیوݨ اساݙی ساریں دی سانجھی ذمہ واری اے، احسن اقبال
اسلام آباد۔24 ستمبر (اے پی پی) وفاقی وزیر منصوبہ بندی، ترقی و خصوصی اقدامات پروفیسر احسن اقبال آکھیے جو پاکستان دی ترقی تے خوشحالی اچ تریمتاں دا معاشی و سماجی کردار ٻہوں اہم اے، تریمتاں کوں بااختیار بݨا تے ہی ملک کوں پائیدار ترقی دے رستے تے ٹوریا ونڄ سڳدے۔اپݨے پیغام اچ انہاں آکھیا جو اپݨے ملک دیاں تریمتاں کوں فرنٹ لائن تے سکیورٹی دیاں ذمہ واریاں نبھیندے ݙیکھ تے انہاں کوں بے حد خوشی تے ماݨ تھئے۔ وفاقی وزیر آکھیا جو اے اساں ساریں دی سانجھی ذمہ واری اے جو ایہو جیھا سازگار تے بااختیار ماحول تشکیل ݙتا ونڄے جتھاں تریمتاں اڳوں ودھ سڳن، اپݨی صلاحیتیاں کوں بھرپور طریقے نال بروئے کار گھن آسڳن تے ملک و قوم دی ترقی اچ اپݨا کردار نبھا سڳن۔انہاں آکھیا جو ھک مضبوط تے خوشحال پاکستان اوں ویلھے ممکن اے ڄݙاں ملک دیاں تریمتاں کوں وی اڳوں ودھݨ دے برابر موقع ملن ۔ تریمتاں پاکستان دے ساوے ہلالی پرچم دے ستارے وانڳوں ملک دی ترقی، خوشحالی تے روشن مستقبل اچ اپݨا کردار نبھا سڳدن۔
